“Yuventus”un keçmiş yarımmüdafiəçisi Pol Poqbanın böyük qardaşı Matias və digər beş nəfər məhkəmə qarşısına çıxıblar.

Fransa mənbələrinin məlumatına görə, onlar 2022-ci ildə Poldan 13 milyon avro pul tələb etməkdə ittiham olunurlar. Məhkəmə noyabrın 26-da Parisdə keçirilib.

Xatırladaq ki, 2022-ci ilin yazında Polun qardaşı və onun uşaqlıq dostlarının da olduğu silahlı dəstə futbolçunu şantaj etmiş və ondan 13 milyon avro tələb etmişdi. Onlar Poldan bu məbləği bir neçə aya ödəməsini istəmişdilər.