Özil TFF başqanlığı ilə bağlı iddialar haqda nə dedi?
Yaxın keçmişin önəmli ulduzlarından olan, Almaniya yığması ilə DÇ-2014-ün qalibi olan Məsut Özil haqqında yayılan sürpriz iddiaya münasibət bildirib.
Belə ki, Türkiyə mətbuatında Məsutun Türkiyə Futbol Federasiyası başqanlığına namizəd olacağı ilə bağlı şayiələr yayılmışdı. Amma o, bu şayiələri təkzib edib. ''Real'' və ''Arsenal''ın sabiq ulduzu ''GZT'' nəşrinə bunları deyib:
''Son günlər mənim adımdan reklam xətrinə çox istifadə olunur. Bunların hamısı uydurmadı. Federasiya prezidenti olmaq niyyətim yoxdu. Mənim yeganə hədəfim Türkiyədə yaxşı bir akademiya quraraq gələcək nəsillərin yetişməsinə töhfə verməkdi. İnşallah ən qısa zamanda bu hədəfimə çatacağıma inanıram''.
Xatırladaq ki, ən son Türkiyədə ''Fənərbaxça'' və ''İstanbul BŞ''nin şərəfini qorumuş Özil 2023-ün martında karyerasını başa vurduğunu açıqlamışdı.
ƏLİ
Digər xəbərlər
