“İndi özümü yetərincə yaxşı hiss edirəm. Oynamağa hazıram. Bu həftə “Auqsburq”la oyunda iştirak ərizəsinə düşəcəyimə inanıram. “Qalatasaray” fanatları həqiqətən də mükəmməldi. Türkiyə ilə bağlı ən xoş xatirələrim, təbii ki, çempionluğu qazandığımız anlardı. Türkiyədən ayrılandan sonra artıq təzyiqdən qorxmursan. Çünki Türkiyə futbolunda təzyiq o qədər böyükdü ki, ordan sonra dünyanın istənilən yerində asanlıqla oynaya bilərsən. Bundesliqada hər matçda tribunaların dolu olması xoşuma gəlir. Türkiyədə bunları dəfələrlə yaşadığım üçün dolu stadionlarda oynamaq məni daha da motivasiyalandırır. Böyük bir azarkeş kütləsinin önündə oynamağın nə demək olduğunu gözəl bilirəm. Baş məşqçi Vensan Kompani ilə münasibətlərimiz çox yaxşıdı. Eyni dildə danışırıq və bu da mənim işimi asanlaşdırır. Əslində Kompaninin məni uzun müddətdi təqib etdiyini bilirdim. Çünki ötən mövsüm “Bernli” ilə premyer-liqada mübarizə apararkən məni o kluba transfer etməyə çalışmışdı. Həyatda təsadüf heç nə yoxdu. Göründüyü kimi, bir müddət sonra onunla “Bavariya”da yollarımız kəsişdi və bu da mənim üçün çox xoş oldu”.