Danimarkanın qonağı olan İspaniya təkcə zədəli Yamalsız yox, həm də təmiz mərkəz hücumçusu olmadan oynadı ki, bu da Luis de la Fuentenin komandaları üçün xarakterik hal deyil.

Millətlər Liqasına təcili baş məşqçi əvəzi təyin olunan Lars Knudsenlə başlayan Danimarka yığmas isə yeni “sükançı”sına qovuşmuşdu. Yığmanı artıq “Brentford”da Tomas Frankın yardımçısı olan, “Anderlext”də müstəqil iş təcrübəsi qazanan 46 yaşlı Brayan Rimer çalışdıracaq.

“Qırmızı qvardiya” yeni baş məşqçinin tələblərini mənimsəməlidisə, “qırmızı furiya” artıq illərdi qitə futbolunda “at oynadır”. “Yalançı 9 nömrə” funksiyasını yerinə yetirən Peres topu qapı çatına vurandan sonra qonaqlar rəqib müdafiəsini məşqdəymiş kimi asanlıqla yarmağa başladı. Kapitan sarğısını qoluna keçirəndən sonra bir qədər də ruhlanan, AÇ-2024-ün qəhrəmanlarından olan Oyarsabal 15-ci dəqiqədə Peresin ötürməsindən sonra topu tora saldı. “Real Sosyedad”ın hücumçusu İspaniya yığmasının başa çatmaqda olan ildəki ən yaxşı snayperidi – 6 qol!

Hədsiz fəal təsir bağışlayan Peres isə 58-ci dəqiqədə, Olmonun ötürməsindən sonra qol istəyinə çatdı. Avropa çempionlarının fonunda çox solğun görünən danimarkalılar isə yalnız İsaksen meydana çıxandan sonra canlandı. “Latsio”nun yarımmüdafiəçisi əvvəlcə topu dirəyə vursa da, sona az qalmış Ruisin qapıçıya ötürməsini ələ keçirib fərqi azaltdı. Sən demə, ispan günəşində də ləkə var. Hər halda, bu səhv İspaniya yığmasının parlaq oyununa kölgə sala bilməz. Qrup liderliyi təmin olunub, üstəlik yeni vunderkind – “Barselona”nın yarımmüdafiəçisi Kasado da milli komandada debüt etdi.

İsveçrə yığmasına qrupda sonuncu pilləni tərk etmək üçün təkcə Serbiyanı məğlub etmək yox, həm də bunu sərfəli hesabla bacarmaq tələb olunurdu ki, şəxsi oyunlarda üstünlük qazansın. Serbiya oktyabrda bu rəqibi 2:0 hesabıyla məğlub etmişdi. Sürixdə keçirilən oyuna meydan sahibləri daha fəal başladı, qonaqlar isə hadisələri qabaqlamaq istəmədi. Amduni ilk yarıda iki dəfə “saatsazlar”ı irəli çıxara bilərdi, ancaq onun bir zərbəsini qapıçı qaytardı, daha bir epizodda isə forvard topu tirə vurdu.

İkinci hissəni qapıçıların hesabına yazmaq lazımdı. Əvvəlcə meydan sahiblərinin kiperi Kobel özünü göstərdi. O, serblərin əsas bombardiri Mitroviçin penalti zərbəsinin qarşısını aldı. “Borussiya”nın qapısıçı küncə tullansa da, mərkəzə vurulan topu ayağı ilə dəf etdi. Kobelin rəqib həmkarı Petroviç daha möhtəşəm seyvlə yadda qaldı: yerdə uzansa da, bəxtsiz Amduninun bir neçə metrdən zərbəsinə reaksiya göstərdi. Hər halda, Amduni 79-cu dəqiqədə fəallığının bəhrəsini gördü: uzaq küncü dəqiq “nişan aldı”.

“Saatsazlar” bu hesabla kifayətlənmədilər, onlara çox vacib olan 2-ci qolu vurmaq üçün irəli atıldılar. Belədə rəqib əks-hücumda uğur qazandı. Vlahoviçin ötürməsindən sonra Terziç hesabı bərabərləşdirdi. Murat Yakının rəhbərlik etdiyi komanda artıq B liqasında mübarizə aparmağa məcburdu. Serbiyanın taleyi isə Danimarka ilə dünənki oyunda bəlli olacaqdı. Qələbə serblərin pley-offa yolunu açacaq, istənilən başqa nəticə pley-offda oynamağa məcbur edəcəkdi.

A liqası, 4-cü qrup
5-ci tur
Danimarka – İspaniya 1:2 (0:1)
Danimarka: Şmeyhel, Kristiansen (Dorqu, 87), Vesterqor, Andersen, Ba, Yulmann, Nerqor (Damsqor, 61), Heybyerq, Eriksen (Skov Olsen, 79), Heylunn (Dolberq, 79), Qrenbek (İsaksen, 61).
İspaniya: Rayya, Kukurelya, Lyaport, Vivian, Porro, Merino (Pedri, 80), Subimendi (Morata, 69), Baena (Ruis, 61), Olmo (Kasado, 69), Oyarsabal, Peres (N.Uilyams, 69).
Qollar: Oyarsabal, 15 (0:1). Peres, 58 (0:2). İsaksen, 84 (1:2).
Vərəqələr: Nerqor, 33. Oyarsabal, 74. Heybyerq, 79. Morata, 90. Andersen, 90. İsaksen, 90+2 – sarı.
Hakim: Rade Obrenoviç (Sloveniya).
15 noyabr. Kopenhagen. 36985 tamaşaçı.

İsveçrə - Serbiya 1:1 (0:0)
İsveçrə: Kobel, R.Rodriges (Qarsiya, 89), Amenda, Comərt, Okafor (Kutesa, 65), Caka, Froyler, Fernandes (Mbabu, 83), Rider (Zekiri, 65), Embolo (Monteyro, 65), Amduni.
Serbiya: Petroviç, Babiç (Stoiç, 46), Milenkoviç, Velkoviç, Terziç (Zdelar, 89), Qudel, N.Maksimoviç, Jivkoviç (Nedelkoviç, 78), Samarciç (Topiç, 72), Mitroviç (A.Maksimoviç, 90), Vlahoviç.
Qollar: Amduni, 79 (1:0). Terziç, 88 (1:1).
Mitroviç 55-ci dəqiqədə penaltidən yararlana bilməyib (qapıçı).
Vərəqələr: Terziç, 25. Caka, 35. Jivkoviç, 51. Embolo, 51. Comərt, 54 – sarı.
Hakim: Kleman Türpen (Fransa).
15 noyabr. Sürix. 21115 tamaşaçı.

6-cı tur
Serbiya – Danimarka 0:0
İspaniya – İsveçrə 3:2
Pino, 32. Xil, 68. Saraqosa, 90+3-p. – Monteyro, 63. Zeçiri, 85-p.

1. İspaniya 6 5 1 0 13-4 16
2. Danimarka 6 2 2 2 7-5 8
3. Serbiya 6 1 3 2 3-6 6
4. İsveçrə 6 0 2 4 6-14 2

Reaksiya
Luis de la Fuente, İspaniya yığmasının baş məşqçisi: