Belqrada cəzalı Rodri ilə Moratasız gedən İspaniya ML-in yeni mövsümünə qələbə ilə başlaya bilmədi.

Bəli, oyunun əksər bölümündə qitə çempionları dominantlıq etdi. Topa və meydana nəzarət onların əlində idi. Bəzi anlarda İspaniyanın üstünlüyü o həddə çatırdı ki, hər kəs Serbiyanın yalnız möcüzə sayəsində məğlubiyyətdən xilas ola biləcəyini düşünürdü. Bununla belə, meydan sahiblərinin qapısı önündə qol vəziyyətləri sıralanmadı. Hücumlar o qədər də kəsərli deyildi. Serblər isə rəqibə nadir əks-hücumlarla cavab verirdilər, bu zaman hətta qol imkanları da oldu — həm 1-ci, həm də 2-ci hissədə. İspanların hesabda geri düşəndən sonra reaksiyalarının necə olacağını görmək maraqlı olardı. Amma bu baş vermədi.

İndi həm Danimarka, həm də İsveçrə yığmasında böyük dəyişikliklər yaşanır. Xüsusən də skandinavlarda. Bir neçə il Kasper Yulmannın köməkçisi kimi çalışan, onun istefasından sonra baş məşqçinin səlahiyyətlərini yerinə yetirməyə başlayan Morten Viqhorst ML ərəfəsində stress üzündən işləyəcə bilməyəcəyini açıqladı. Belədə "sükan arxasına" müvəqqəti Lars Knudsen gətirildi.

İsveçrə yığmasına gəlincə, son qitə çempionatında uğurlu çıxışdan sonra Murat Yakın postunu qorusa da, qapıda artıq Zommer yox, Kobel dayanır. Və o, Eriksenin gözəl ötürməsindən sonra təkbətəl çıxan Dolberqlə mübarizədə özünü göstərdi. Ancaq qonaqlar 2-ci hissənin əvvəlində bu forvardı gözdən qaçırdılar ki, nəticədə Elvedi meydandan qovuldu. Hakim ona əvvəlcə sarı vərəqə göstərsə də, monitora yaxınlaşandan sonra qərarını dəyişdi. Danimarkalılar azlıqda qalan rəqibin qapısından son 10 dəqiqədə iki qol keçirdi. 82-ci dəqiqədə Dorqu hesabı açdı. Ardından iki kapitan — Heybyerlə Caka münaqişə yaşadı. Nəticədə isveçrəli 2-ci "sarı”nı aldı, 9 nəfərlə qalan qonaqlar üçün xilas şansı yox idi. Danimarka üçün 2-ci qolu isə məhz Heybyerq vurdu.

A liqası, 4-cü qrup
Serbiya — İspaniya 0:0
Serbiya: Raykoviç, Erakoviç (Simiç, 46), Milenkoviç, Pavloviç, Nedelkoviç, İliç (Mitroviç, 85), Lukiç, Birmançeviç, Samarciç (Qruiç, 74), Jivkoviç (Beliç, 62), Yoviç (Ratkov, 74).
İspaniya: Rayya, Karvaxal, Le Norman, Lyaport, Kukurelya (Qrimaldo, 56), Subimendi, Ruis (Pedri, 76), Olmo (Xoselu, 82), Yamal, Peres (Oyarsabal, 56), N.Uilyams (F.Torres, 82).
Vərəqələr: Erakoviç, 6. Peres, 22. Karvaxal, 27. Yamal, 42. Birmançeviç, 44. Le Norman, 59. Olmo, 67. Beliç, 70 — sarı.
Hakim: Sərdar Gözüböyük (Niderland).
5 sentyabr. Belqrad. 29981 tamaşaçı.

Danimarka — İsveçrə 2:0 (0:0)
Danimarka: Şmeyhel, Andersen, Vesterqor, Nelsson (Dorqu, 81), Kristansen, Ba, Qrenbek (Skov Olsen, 81), Eriksen (Damsqor, 62), Yulmann (Nerqor, 90+1), Heybyerq, Dolberq (Vinn, 62).
İsveçrə: Kobel, Vidmer (Omeraqiç, 65), Elvedi, Akanci, Rodriges, Froyler, Caka, Varqas (Vyutrix, 53), Rider (Zakariya, 65), Ebişer (Amduni, 90+1), Embolo (Dua, 90+1).
Qollar: Dorqu, 82 (1:0). Heybyerq, 90+2 (2:0).
Vərəqələr: Qrenbek, 23. Vidmer, 47. Caka, 83. Heybyerq, 83. Yulmann, 83. Akanci, 83. Embolo, 86. Vesterqor, 90+4 — sarı. Elvedi, 52. Caka, 87 — qırmızı (2-ci sarı).
Hakim: Daniel Zibert (Almaniya).
5 sentyabr. Kopenhagen. 26024 tamaşaçı.
8 sentyabr: Danimarka — Serbiya, İsveçrə — İspaniya.

Oyundan sonra
Luis de la Fuente, İspaniya yığmasının baş məşqçisi: