Cənubi Amerikada DÇ-2026-nın seçmə turnirinin 11-ci turuna yekun vuruldu. Ən çox maraq doğuran oyunda Uruqvay ilə Kolumbiya qarşılaşdı.

Tura 19 xalla 2-ci yerdə başlayan Kolumbiya yığması 3-cü pillədəki Uruqvayı 3 xal qabaqlayırdı. Halbuki Uruqvay yığması bir neçə ay əvvəl lider Argentina ilə ciddi rəqabət aparırdı. Lakin Marselo Byelsanın komandasını bu yay keçirilən Amerika Kubokundan sonra, necə deyərlər, xalları sağa-sola xərcləmişdi. “Selesta” 6-cı turun ev oyununda Boliviyanın qapısından üç cavabsız top keçirəndən sonra mundialın seçmə turnirdə ilk dəfə ardıcıl 4 oyunda qol vura bilməmişdi: Paraqvay və Ekvadorla ev, Venesuela ilə səfər oyunu 0:0 nəticələnmiş, Peruya isə səfər matçında 0:1 hesabıyla uduzmuşdu.

Nəhayət, uğursuz seriyalara Kolumbiya ilə matçda son qoyuldu. Məşhur “Sentenario” stadionunda keçirilən oyun olduqca baxımlı və dramatik alındı. Hesabı qonaq komanda açsa da, ev sahibləri fasilədən sonra ii qol vurmaqla üstünlüyü ələ aldılar. Əsas vaxta əlavə olunan dəqiqələrdə vurulan qarşılıqlı qollar isə Uruqvayın 3:2 hesablı qələbəsini təmin etdi. Byelsanın komandası topların daha yaxşı fərqinə əsasən 2-ci yerə qalxdı.

Cənubi Amerika
11-ci tur
Uruqvay – Kolumbiya 3:2 (0:1)
Uruqvay: Roçet, X.Ximenes, Saraççi (Varela, 79), M.Olivera, Nandes, Bentankur, Valverde, Maksimiliano Arauxo, Pelyistri, R.Agirre (Uqarte, 68), D.Nunyes.
Kolumbiya: K.Varqas, Moxika, D.Sançes, Lukumi, Munyos, Kintero (Xames Rodriges, 72), Portilya (Mina, 90+5), Rios, L.Dias, C.Aryas (K.Qomes, 82), Duran (Borre, 72).
Qollar: Kintero, 31 (0:1). D.Sançes, 57-öz qapısına (1:1). R.Agirre, 60 (2:1). K.Qomes, 90+6 (2:2). Uqarte, 90+11 (3:2).
Vərəqələr: Kintero, 25. Bentankur, 26. R.Agirre, 37. Duran, 58. Valverde, 66. Nandes, 80 - sarı.
Hakim: Kevin Orteqa (Peru).
15 noyabr. Montevideo.

Peru – Çili 0:0
Peru: Kaseda, Korso (Rivera, 86), Kalyens, Advinkula, Migel Arauxo, Sonne (Qarses, 87), Kartaxena, Penya (Flores, 78), P.Gerrero (Lapadula, 63), Polo, Valera (Kispe, 78).
Çili: Kortes, Maripan, Eçeverriya, P.Dias, Suaso, Loyola, Vidal, D.Valdes, Pisarro (Paves, 90+5), E.Varqas (Mora, 90+6), Aravena.
Vərəqələr: Loyola, 45+3. Korso, 46. Kartaxena, 66. E.Varqas, 88. Suaso, 90+1 - sarı.
Hakim: Vilton Pereyra Sampayo (Braziliya).
15 noyabr. Lima.

Turun digər oyunlarının nəticələri: Paraqvay - Argentina 2:1, Venesuela - Braziliya 1:1, Ekvador - Boliviya 4:0.

1. Argentina 11 7 1 3 20-7 22
2. Uruqvay 11 5 4 2 16-8 19
3. Kolumbiya 11 5 4 2 15-9 19
4. Braziliya 11 5 2 4 16-10 17
5. Ekvador (-3) 11 5 4 2 10-4 16
6. Paraqvay 11 4 4 3 6-5 16
7. Venesuela 11 2 6 3 9-11 12
8. Boliviya 11 4 0 7 11-25 12
9. Peru 11 1 4 6 3-14 7
10. Çili 11 1 3 7 5-18 6

Bombardirlər: Messi (Argentina) - 6, D.Nunyes (Uruqvay) - 5, Rafinya (Braziliya), L.Dias (Kolumbiya), Sanabriya (Paraqvay) - 4.