“Millimizi dəstəkləmək üçün yenə yanlarında olacağıq. Bizə ayrılan yerləri tam dolduracağıq. Müraciətlər həddən artıq çoxdu. Üzvlərimizin bu oyuna marağı böyükdü. Federasiyaya bizə əlavə yer ayırmaları üçün müraciət etmişik və cavab gözləyirik. Bu mərhələnin son ev matçı olduğu üçün komandamızdan yalnız qələbə gözləyirik. Məlumdu ki, qələbə qazanmayacağı təqdirdə milli komandamızın aşağı liqaya düşmək ehtimalı var. Belə hadisənin baş verməsi biz azarkeşlər üçün həm qəbuledilməz, həm də biabırçı olacaq. Bayrağını sevən vətənpərvər azarkeşlər olaraq Estoniya matçında sona kimi əlimizdən gələn dəstəyi verəcəyik . Millətlər Liqası başa çatandan sonra isə milli komandamızın çıxışı və gələcəkdəki fəaliyyətimiz barədə toplantı keçirəcəyik. Hansı qərar verəcəyimizi toplantıdan sonra mətbuata açıqlayacağıq. Tsikl başlayandan təmənnasız şəkildə həm kişi, həm də qadın milli komandalarımıza dəstək verdik və verməyə də davam edirik. Ancaq nəticələr bizim üçün nə ümidverici, nə də ürəkaçandı. Bəzi tələb və gözləntilərimizi həm AFFA rəhbərliyinə, həm də Fernando Santuşa çatdırmışıq. Tələb və təkliflərimizi dinlədikləri üçün təşəkkür edirik. Ancaq hələ ki gələcəklə bağlı qərar verməyə tələsmirik, tsiklin başa çatmasını gözləyirik. Hər şeyə illik toplantıda qərar verəcəyik”.