''Fənərbaxça'' ilə müqaviləsinin son mövsümündə olan və haqqında bir çox transfer şayiələri dolaşan İrfan Can Kahveci ilə bağlı xəbər var.

Türkiyənin ''Fotomaç'' nəşrinin yazdığına inansaq, İrfanın meneceri ilə ''Fənər'' rəhbərliyi arasında aparılan danışıqlar uğurlu şəkildə yekunlaşmaq üzrədi. Tərəflər artıq yeni müqavilə ilə bağlı demək olar, anlaşıblar. 29 yaşlı futbolçunun yaxın müddətdə 3 illik yeni müqaviləyə imza atacağı gözlənilir. Bunun qarşılığında Kahvecinin illik qazancı 20 milyon lirədən 60 milyon lirəyə, yəni təxminən 1,6 milyon avroya yüksəldiləcək.

Türkiyə yığmasının üzvü yerli klublarla yanaşı ''Vilyarreal'', ''Sevilya'' və ''Lans''ın da hədəfindədi. Bu mövsüm tez-tez ehtiyatda qalan İrfan 14 rəsmi oyunda 528 dəqiqə meydanda olub və aktivinə 1 qol, 1 məhsuldar ötürmə yazıb. Ümumilikdə isə o, ''Fənər''də indiyə qədər 143 rəsmi oyuna çıxaraq 30 qol, 28 məhsuldar ötürmə ilə fərqlənib.

ƏLİ