Cəzalardan və maddi çətinliklərdən qurtula bilməyən superliqa təmsilçisi ''Kayserispor'' yeni bir cəza ilə üz-üzədi.

Belə ki, Kayseri təmsilçisinin Bilal Başacıkoğluya 25 milyon lirə (təxminən 675 min avro) borcu var. Bu məbləğ qısa müddətdə ödənilməsə, klubun 3 xalı silinəcək. Rəhbərlik yaranmış vəziyyətdən çıxış yolu axtarır.

29 yaşlı Başacıkoğlu ''Kayserispor''da 2018-20-ci illərdə forma geyib. Daha sonra ''Trabzonspor'', ''Qaziantep'', ''Herakl'', ''Beykoz Anadolu''da çıxış edib. Hazırda o, 1-ci liqa təmsilçisi ''Sakaryaspor''un üzvüdü. Qeyd edək ki, ''Kayserispor'' transfer cəzası üzündən bu yay heyətini gücləndirə bilməmişdi. Komanda mövsümə Burak Yılmazın başçılığı altında başlamış və uğursuz nəticələrdən sonra onunla vidalaşaraq Sinan Kaloğlu ilə anlaşmışdı. ''Kayserispor'' ötən tur səfərdə ''Hatayspor''u yenərək mövsümdə ilk qələbəsini qazandı.

ƏLİ