İkinci oyun günü maraqlı nəticələrlə start götürdü.

Ötən tur Dortmund “Borussiya”sından 7 qol buraxan “Seltik”, görünür, səhvlərindən nəticə çıxarmağı bacarıb. Çünki bu dəfə qlazqolular çətin Berqamo səfərində qapını toxunulmaz saxladılar. Hələ ki ÇL-də mövsümün əsas sürprizlərindən olan “Brest” yoluna məğlubiyyətsiz davam edir. Turnirin debütantı bu dəfə Almaniya çempionunu da büdrətməyi bacardı. Hər iki komanda ilk dəfə xal itkisi ilə üzləşdi. Maraqlıdı ki, “Brest”i məğlubiyyətdən xilas edən Les-Melu 10 il öncə 5-ci liqada oynayır və bununla paralel ibtidai sinif müəllimi işləyirdi...

Günün əsas sürprizi Kataloniyada qeydə alındı. “Barselona” son illərdə “Bavariya”ya qarşı yığılan bütün acığını bu oyunda çıxmağa müvəffəq oldu. Rafinyanın artıq 54-cü saniyədə vurduğu qola Keyn cavab versə də, qonaqların daha sonra heç nəyə gücü çatmadı. Qalan vaxtda 3 qol vuran “blauqrana” bu rəqibə qarşı 6 oyunluq məğlubiyyət və 5 oyunluq qol vura bilməmək seriyalarına çox parlaq şəkildə son qoydu. Münhen nəhəngi əsas mərhələdə ardıcıl 2-ci qarşılaşmadan xalsız ayrılmaqla pley-off şansını çətinə saldı. Maraqlıdı ki, komanda hazırda turir cədvəlində hətta ilk turda 9:2 hesabı ilə yendiyi Zaqreb “Dinamo”sundan da geridədi! Çünki Xorvatiya çempionu səfərdə Avstriya çempionunu yenməklə ilk qələbəsini qazandı. Günün daha bir maraqlı oyunu Leyptsiqdə keçirildi. “Öküzlər” bundesliqada “Bavariya” ilə zirvəni bölüşsələr də, komandanın ÇL-də işləri yaxşı getmir. Evdə “Liverpul”a uduzmaqla “Leyptsiq” 3-cü turu da xalsız tamamladı. “Liverpul” isə əksinə, “Aston Villa” ilə birlikdə ilk 3 turda xal itirməyən iki komandadan biridi. “Mançester Siti” və “İnter”, proqnozlaşdırıldığı kimi, hesabına növbəti 3 xalı yazdı. Holannın havada dabanla vurduğu qol günün bəzəyi oldu.

“Şəhərlilər”dən fərqli “İnter“ İsveçrədə fanatlarını uzun müddət intizarda saxladı. Hətta Arnautoviç penaltini də əldən verdi. Amma bu mövsüm milanlıların heyətində ən yaxşılardan olan Türam son saniyələrdə fərqlənməklə qəhrəmana çevrildi. Günün növbəti sürprizləri Madrid və Lissabonda qeydə alındı. “Atletiko” “Lill” ilə oyunda fasiləyə üstün yollanarkən bu klubun hətta ən bədbin azarkeşi belə sonluğun faciəvi alınacağını güman edə bilməzdi. Amma ötən tur “Real”ı xala həsrət qoyan “Lill” bu dəfə ikinci hissədə vurduğu qollarla yenə Avropanı təəccübləndirməyi bacardı. Hərçənd “Atletiko” qonaqların qazandığı və Devidin dəqiq yerinə yetirdiyi penaltiyə görə UEFA-ya rəsmi şikayət göndərib. Kərəm Aktürkoğlunun sehri isə bu dəfə “Benfika” üçün işə yaramadı. Türkiyəli ulduzun transferindən bu yana keçirdiyi 6 rəsmi oyunun hamısında qalib gələn “qartallar”ın bu seriyası evdə - “Feyenoord”la qarşılaşmada qırıldı. Özü də türkiyəli hakimin idarəçiliyi altında. Hərçənd komandasının yeganə qolunu vuran Kərəm fərdi planda bu matçı hesabına yaza bilər. O, “Benfika”da 6-cı rəsmi oyunda göstəricilərini 5 qol, 2 məhsuldar ötürməyə çatdırdı.

Brest – Bayer-04 1:1 (1:1)
Brest (Fransa): Bizot, Lala, Şardonne, Kulibali, M.Aydara, Les-Melu, Kamara (Dumbiya, 83), Manyetti (Fernandeş, 83), Del Kastilyo (Fevr, 72), Sima (M.Balde, 66), Ajork (İ.Salah, 72).
Bayer-04 (Leverkuzen, Almaniya): Kovarj, Mukiele (Tapsoba, 72), Ta, İnkapye, Qrimaldo, Qarsiya, Palasios (Caka, 63), Tella (Frimponq, 63), Virts, Hofmann, Şik (Adli, 63).
Qollar: Virts, 24 (0:1). Les-Melu, 39 (1:1).
Vərəqələr: Frimponq, 72. Virts 74. İ.Salah, 84. Ta, 90+2. Les-Melu, 90+5. Caka, 90+9 – sarı.
Hakim: İvan Krujlyak (Slovakiya).
23 oktyabr. Genqam. 15510 tamaşaçı.

Atalanta – Seltik 0:0
Atalanta (Berqamo, İtaliya): Karnesekki, Bellanova (Samardziç, 59), Cimşiti, Hien, Kolaşinats (Rucceri, 78), Zappakosta, De Roon, Ederson, Paşaliç (Zanyolo, 78), Lukman (Kuadrado, 69), Reteqi (De Ketelare, 59).
Seltik (Qlazqo, Şotlandiya): Şmeyhel, Conston, Skeyls, Trasti, Valle, Makqreqor, Engels (Makqovan, 75), Hatate (Bernardo, 68), Kun, Maeda (Palma, 75), Ayda (Furuhaşi, 68).
Vərəqə: Conston, 8 – sarı.
Hakim: İrfan Pelto (Bosniya və Hersoqovina).
23 oktyabr. Berqamo. 21614 tamaşaçı.

Barselona – Bavariya 4:1 (3:1)
Barselona (İspaniya): Penya, Kunde, Kubarsi, Martines, A.Balde, Kasado, Pedri (Qavi, 85), Yamal (Fati, 85), Lopes (De Yonq, 61), Rafinya (Olmo, 75), Levandovski (Viktor, 85).
Bavariya (Münhen, Almaniya): Noyer, Gerreyro (Laymer, 85), Upamekano, Kim Min Ce, Devis, Kimmix, Palyinya (Qoretska, 60), Olise (Sane, 60), Müller (Musiala, 60), Qnabri (Koman, 60), Keyn.
Qollar: Rafinya, 1 (1:0). Keyn, 18 (1:1). Levandovski, 36 (2:1). Rafinya, 45 (3:1). Rafinya, 56 (4:1).
Vərəqələr: Kimmix, 27. Qoretska, 90 – sarı.
Hakim: Slavko Vinçiç (Sloveniya).
23 oktyabr. Barselona. 50312 tamaşaçı.

Leyptsiq – Liverpul 0:1 (0:1)
Leyptsiq (Almaniya): Qulaçi, Qeertruyda (Bitşiabu, 74), Orban, Lukeba, Henrixs, A.Aydara (Elmas, 86), Vermeeren (Kampl, 74), Nusa, Simons (Poulsen, 78), Şeşko (Baumqartner, 74), Openda.
Liverpul (İngiltərə): Kelleher, Aleksandr-Arnold (Qomes, 75), İ.Konate, Van Diyk, Tsimikas (Robertson, 75), Qravenberx, Makallister, Soboslai, M.Salah (Dias, 63), Qakpo, Nunyes (Cons, 74).
Qol: Nunyes, 27.
Vərəqələr: Lukeba, 8. Makallister, 12. Qeertruyda, 23 – sarı.
Hakim: Sandro Şerer (İsveçrə).
23 oktyabr. Leyptsiq. 45228 tamaşaçı.

Atletiko – Lill 1:3 (1:0)
Atletiko (Madrid, İspaniya): Oblak, Molina (Simeone, 77), Ximenes, Vitsel, Qalan (Reynildo, 77), De Paul, Koke, Qallaxer (Lino, 77), Qrizmann, Alvares, Sörlot (Korrea, 65).
Lill (Fransa): Şevalye, Menye, Ture (Diakite, 46), Mandi, Ribeyro, Qudmundsson, Andre, Mukau (Qomes, 88), Kabella (Jeqrova, 16), Fernandes (Sahraui, 88), Bayo (Devid, 65).
Qollar: Alvares, 8 (1:0). Jeqrova, 61 (1:1). Devid, 74-p. (1:2). Devid, 89 (1:3).
Vərəqələr: Qalan, 17. Ture, 44. Ximenes, 78. Menye, 78. Vitsel, 88 – sarı.
Hakim: Marko Quida (İtaliya).
23 oktyabr. Madrid. 61197 tamaşaçı.

Mançester Siti – Sparta 5:0 (1:0)
Mançester Siti (İngiltərə): Orteqa, Lyuis, Stouns (Dias, 74), Akanci, Ake (Qvardiol, 74), Nunyeş, İlkay Gündoğan (Kovaçiç, 69), Savinyo, B.Silva (Makeyti, 69), Foden, Holann (O`Rayli, 80).
Sparta (Praqa, Çexiya): Vindal, Presiado, Vitik, Panak, Sorensen, Rıneş (Visner, 88), Laçi, Kairinen (Solbakken, 88), Birmançeviç (Danek, 73), Haraslin (Krasniqi, 46), Olatunyi (Rrahmani, 60).
Qollar: Foden, 3 (1:0). Holann, 58 (2:0). Stouns, 64 (3:0). Holann, 68 (4:0). Nunyeş, 88-p. (5:0).
Vərəqələr: Stouns, 7. Presiado, 87 – sarı.
Hakim: Mauritsio Mariani (İtaliya).
23 oktyabr. Mançester. 50116 tamaşaçı.

Yanq Boyz – İnter 0:1 (0:0)
Yanq Boyz (Bern, İsveçrə): Fon Ballmoos, Blum (Atekame, 86), Lauper, Benito, Acam, Lakomi (Elia, 77), Uqriniç, Vircinius (Kolli, 59), İmeri (Maleş, 59), Monteyro, Qanvula (İtten, 86).
İnter (Milan, İtaliya): Zommer, Dyumfris, Pavar (Bastoni, 76), De Vrey, Bissek, Auqusto (Dimarko, 54), Frattezi, Barella, Mxitaryan (Zelinski, 61), Taremi (Türam, 76), Arnautoviç (Martines, 61).
Qol: Türam, 90+3.
Arnautoviç 48-ci dəqiqədə penaltidən yararlana bilməyib (qapıçı).
Vərəqələr: Acam, 33. Monteyro, 35. Dyumfris, 35. İmeri, 36. Maleş, 81 – sarı.
Hakim: Maykl Oliver (İngiltərə).
23 oktyabr. Bern. 31500 tamaşaçı.

Benfika – Feyenoord 1:3 (0:2)
Benfika (Lissabon, Portuqaliya): Trubin, Bah (Şelderup, 88), Trauxo, Otamendi, Fernandes, Eursnes, Luiş (Amduni, 65), Orkun Kökçü (Sançeş, 72), Di Mariya (Beste, 65), Kərəm Aktürkoğlu, Pavlidis (Kabral, 72).
Feyenoord (Rotterdam, Niderland): Vellenroyter, Lotomba (Hac Mussa, 75), Trauner, Hantsko, Bueno (Smal, 88), Hvan İn Bom, Milambo, K.Timber, Osman (Beelen, 59), Payşao, Ueda (Karransa, 75).
Qollar: Ueda, 12. (0:1). Milambo, 33 (0:2). K.Aktürkoğlu, 66 (1:2). Milambo, 90+2 (1:3).
Vərəqələr: K.Timber, 39. Amduni, 90+1. Sançeş, 90+2 – sarı.
Hakim: Xəlil Umut Melər (Türkiyə).
23 oktyabr. Lissabon. 61687 tamaşaçı.

Zaltsburq – Dinamo Z 0:2 (0:0)
Zaltsburq (Avstriya): Şlager, Dediç, Pyontkovski, Baydu, Terziç (Qindo, 82), Kyerqor, Bidstrup (Kapaldo, 58), Diambu (Bayçetiç, 58), Daqim (Dorjeles, 58), Qlux (Blasvix, 69), K.Konate.
Dinamo (Zaqreb, Xorvatiya): Nevistiç, Ristovski, Teofil-Katrin, Bernauer, Torrente, Mişiç, Suçiç (Stoykoviç, 87), Ademi (Roq, 59), Baturina (Kaçavenda, 88), Oqivara (Pyer-Qabriel, 77), Kulenoviç (Petkoviç, 77).
Qollar: Kulenoviç, 49 (0:1). Petkoviç, 84 (0:2).
Vərəqələr: Bidstrup, 18. Dediç, 31. Pyontkovski, 73. Roq, 90 – sarı. Şlager, 66 – qırmızı.
Hakim: Danni Makkeli (Niderland).
23 oktyabr. Zaltsburq. 24018 tamaşaçı.

1. Aston Villa 3 3 0 0 6-0 9
2. Liverpul 3 3 0 0 6-1 9
3. Mançester Siti 3 2 1 0 9-0 7
4. Monako 3 2 1 0 9-4 7
5. Brest 3 2 1 0 7-2 7
6. Bayer-04 3 2 1 0 6-1 7
7. İnter 3 2 1 0 5-0 7
8. Sportinq 3 2 1 0 5-1 7
9. Arsenal 3 2 1 0 3-0 7
10. Barselona 3 2 0 1 10-3 6
11. Borussiya D 3 2 0 1 12-6 6
12. Real 3 2 0 1 8-4 6
13. Benfika 3 2 0 1 7-4 6
14. Yuventus 3 2 0 1 6-4 6
15. Lill 3 2 0 1 4-3 6
16. Feyenoord 3 2 0 1 6-7 6
17. Atalanta 3 1 2 0 3-0 5
18. Ştutqart 3 1 1 1 3-4 4
19. PSJ 3 1 1 1 2-3 4
20. Seltik 3 1 1 1 6-8 4
21. Sparta 3 1 1 1 4-6 4
22. Dinamo Z 3 1 1 1 6-11 4
23. Bavariya 3 1 0 2 10-7 3
24. Jirona 3 1 0 2 4-4 3
25. Milan 3 1 0 2 4-5 3
26. Brügge 3 1 0 2 2-6 3
27. Atletiko 3 1 0 2 3-8 3
28. PSV 3 0 2 1 3-5 2
29. Bolonya 3 0 1 2 0-4 1
30. Şaxtyor 3 0 1 2 0-4 1
31. Leyptsiq 3 0 0 3 3-6 0
32. Şturm 3 0 0 3 1-5 0
33. Srvena Zvezda 3 0 0 3 2-11 0
34. Zaltsburq 3 0 0 3 0-9 0
35. Yanq Boyz 3 0 0 3 0-9 0
36. Slovan 3 0 0 3 1-11 0

Bombardirlər: Keyn (Bavariya) – 5, Rafinya (Barselona) – 4.

Növbəti turun oyunları noyabrın 5-6-da keçiriləcək: PSV – Jirona, Slovan – Dinamo Z, Real – Milan, Liverpul – Bayer-04, Sportinq – Mançester Siti, Lill – Yuventus, Bolonya – Monako, Seltik – Leyptsiq, Borussiya D – Şturm, Brügge – Aston Villa, Şaxtyor – Yanq Boyz, İnter – Arsenal, PSJ – Atletiko, Bavariya – Benfika, Srvena Zvezda – Barselona, Ştutqart – Atalanta, Feyenoord – Zaltsburq, Sparta – Brest.

Faktlar
* “Brest” son 26 ildə ÇL-də keçirdiyi ilk 3 oyunda uduzmayan birinci Fransa təmsilçisi oldu. Sonuncu dəfə bunu 1998-də “Lans” bacarmışdı.
* Rafinya avrokuboklar tarixində “Bavariya” ilə oyunda het-trik edən 5-ci futbolçu oldu. Daha öncə bunu Alan Evans (“Liverpul”, 1971), Roy Makay (“Deportivo”, 2002), Serxio Aquero (“Mançester Siti”, 2014) və Kriştiano Ronaldo (“Real”, 2017) bacarmışdı.
* “Bavariya” ÇL-də ardıcıl 3-cü səfər oyununda uduzmaqla öz antirekordunu yenilədi.
* “Mançester Siti” ÇL-də ardıcıl 26-cı oyunda uduzmamaqla “Mançester Yunayted”i geridə qoydu və turnirin yeni rekordunu müəyyənləşdirdi. Bundan başqa, “Siti” UEFA-nın turnirlərində ardıcıl 27-ci oyunda uduzmamaqla bu göstəricidə də rekordçu oldu. Əvvəlki rekord 2006-19-cu illərdə ardıcıl 26 oyunda uduzmayan “Espanyol”a məxsus idi.
* Holann ÇL-də 44-cü qolunu vurmaqla bu turnirin tarixində ən məhsuldar oyunçular siyahısında 16-cı pillədə qərarlaşan Didye Droqbaya çatdı. Maraqlıdı ki, Holann 44 qolu 42 oyuna vurduğu halda Droqba 92 oyuna vurub.
* “Atletiko” ÇL-də son iki oyunda 7 top buraxmaqla şəxsi antirekordunu yenilədi. ÇK daxil olmaqla “Atletiko” bu turnirdə heç vaxt bir mövsümün gedişində iki ardıcıl oyuna 7 top buraxmamışdı.
* “Lill” ÇL-də bir mövsümdə həm “Real”, həm də “Atletiko”nu məğlub etməyi bacaran cəmi 3-cü komanda oldu. Daha öncə bunu 2020/21-də “Çelsi” və 2021/22-də Mançester “Siti“ bacarmışdı.
* “Liverpul” tarixində ilk dəfə mövsümün ilk 6 rəsmi səfər oyunundan qələbə ilə ayrılmış oldu. Daha öncə İngiltərə klublarından bunu yalnız 2017/18-də “Mançester Siti” bacarmışdı.
* “Liverpul”un Almaniya klublarına qarşı məğlubiyyətsiz seriyası 13 oyuna çatdı (10 qələbə, 3 heç-heçə).
* “Feyenoord” son 49 ildə səfərdə “Benfika”nı məğlub edən ilk Niderland təmsilçisi oldu. Sonuncu dəfə bunu 1975-də PSV bacarmışdı. Eyni zamanda “Feyenoord” 1974-dən bu yana ilk dəfə ardıcıl iki ÇK/ÇL oyununda ən azı 3 qol vurmağı bacardı.

Oyundan sonra
Hans-Diter Flik, “Barselona”nın baş məşqçisi: