''Ötən il Almaniya ilə oyunda qol vurduqdan sonra hansı duyğular yaşadığımı hər kəs gördü. Belə bir şeyin baş verə biləcəyini heç xəyallarımda da düşünməmişdim. Bağlı olduğum iki ölkənin öz aralarındakı oyununda qol vurdum. Qoldan sonra sanki bütün stadion qışqırmağa başladı. Elə bil stadionda hamı türk idi. Atam 3 yaşımdan etibarən məni stadionlara aparmağa başladı. Bu gün yüksəldiyim yerə görə ona va anama minnətdar olmalıyam. Ailəm psixoloji cəhətdən məni güclü yetişdirdi. AÇ-2024-də oynayacağımı düşünmürdüm. Çünki bu cür gənc yaşda böyük turnirə yollana biləcəyimə inanmırdım. DÇ-2026-da yer alacağımızı və hər kəsi qürurlandıracağımızı düşünürəm. Əminəm ki, bizi heç yerdə yalqız qoymayan fanatlarımız o turnirdə də bizi dəstəkləyəcək. ''Yuventus''da ''10 nömrə''nin sahibi olmaq bir tərəfdən ağır bir iş olsa da, digər tərəfdən sənə meydanda hər an hər şeyi bacara biləcəyin hissini verir. Montellaya hər zaman minnətdar olacam. Çünki yığmada mənə özümü göstərməyə fürsət verdi. Almanca, ingiliscə, İtalyanca və bacardığım qədər türkcə danışıram. Atam mənimlə hər zaman türkcə danışır. Amma mən almanca cavab verirəm. Türk dilində başa düşsəm də, danışmaqda çətinlik çəkirəm. İnanıram ki, bir neçə il ərzində türk dilində mükəmməl danışa biləcəm. Arda Gülər özəl texnikaya malik olan mükəmməl futbolçudu. Bir çox özəllikləri var. Yığmada birlikdə keçirdiyimiz hər anımız əyləncəli keçir. Onunla meydanda olmaq gözəldi və ümid edirəm ki, hələ uzun illər belə də davam edəcək''.