“Sadəcə, təssüf edirəm. Bizə heç kim qənim kəsilmir, nə edirsə, futbolçularımız özləri-özlərinə edir. O yersiz arxadan zərbə nəyə lazım idi?! Mahir Emrelinin ikinci "sarı"nı almasına nə gərək vardı, anlamadım. Oyundan-oyuna tamaşaçıların da sayı azalır. Ümumiyyətlə, hakimlik normal idi. Mahirdə həm birinci, həm də ikinci sarı vərəqə yerində verildi. Etiraz etmək lazım deyildi. Meydanda referi varsa, onun verdiyi qərarları qəbul etməlisən. İki tərəf də bir-birinə qarşı sakit, səliqəli futbol oynayırdı. Komandaların bir-birinə qarşı kobudluğunu hiss etmədim. Hakim oyuna damğa vurmadı. Köməkçilərlə əlaqəsi, münasibətləri yaxşı idi. Meydanda davranışı, hərəkətləri, oyuna münasibəti, mövqe seçimləri yerində idi. Oyunu oxumaq qabiliyyətinə malik hakim idi, ona görə də orta səviyyəli adlandırmaq olar. Baş açmıram ki, futbolçularımız niyə özünə bu qədər arxayındı? Etdiyi qayda pozuntusunu bilir, amma ruhu da incimir, elə bil belə də olmalıymış. Ona görə hakimdən çox futbolçularımızı qınamalıyıq. Həm 1-ci, həm də 3-cü qolda sol cinah müdafiəçisi harda idi? Bir daha azarkeşlərə səbr diləyirəm. Futbolçularımızdan məsuliyyətli olmaq tələb olunur. Azərbaycanda futbol olub, olacaq da. Sadəcə, futbolçularımızın məsuliyyətsizliyi var və yenə məğlubiyyətə gətirib çıxardı”.