Musayev “Krasnodar”ın tarixinə düşdü - İCMAL
Ötən tur “Krasnodar”a uduzmaqla liderliyi əldən verən “Zenit”in bunun acığını autsayder “Orenburq”dan çıxacağını gözləmək olardı. Amma son illərin dəyişməz çempionu yenə ciddi problemlərlə üzləşdi.
Sankt-Peterburq nəhəngi böyük üstünlüyə baxmayaraq, heç cür rəqib qapıya yol tapa bilmirdi. “Orenburq”un 20 yaşlı qapıçısı Moskviçyov 10 seyv etməklə mövsümün rekordunu müəyyənləşdirdi. Eyni zamanda “Zenit” tərəfindən qapıya vurulan 33 zərbə də 2022-nin avqustundan bəri premyer-liqanın rekordu oldu. “Zenit”in köməyinə şübhəli penalti çatdı. Bir saatın tamamında VAR-ın müdaxiləsindən sonra təyin olunan penaltini Mantuan dəqiq yerinə yetirərək komandasına çox çətin və vacib qələbə qazandırdı.
“Axmat”ı 2 cavabsız qolla məğlub edən “Rubin” 4 oyunluq qələbəsiz seriyaya son qoydu. “Axmat” 11-ci turu da qələbəsiz başa vurmaqla antirekordunu yenilədi. 11 tura bu qədər az (6) xalı komanda daha öncə yalnız 2013/14-də toplamışdı. Şənbə gününün mərkəzi oyununda “Spartak” “Rostov”a heç bir şans vermədi. Enişdə olan Valeri Karpinin komandasının qolsuz və qələbəsiz seriyası 4 oyuna çatdı. “Spartak”ın heyətində Nikolsonun dubl etməsi diqqəti çəkdi. Ötən mövsümü icarə əsasında “Klermon”da keçirən yamaykalı forvard premyer-liqada son qolunu 2022-nin oktyabrında vurmuşdu.
Tura eyni xalla daxil olaraq 1-2-ci yerləri bölüşdürən “Krasnodar”la “Lokomotiv” hesabına növbəti qələbəni yazdı. “Ximki”ni darmadağın edən “Krasnodar” çempionatda ardıcıl 8-ci qələbəni qazanmaqla rekordunu yaxşılaşdırdı. Yeri gəlmişkən, Murad Musayev adını klub tarixinə yazdırdı. O, “Krasnodar”ın başında rəsmi oyunlarda 73-cü qələbəsini qazandı. Bununla da Musayev Oleq Kononovu geridə qoyaraq “öküzlər”in tarixində ən çox qələbə əldə edən məşqçiyə çevrildi. “Lokomotiv” fanatlarını uzun müddət intizarda saxladı və “Krılya Sovetov”un müqavimətini çətinliklə qırdı. “Loko”nun samaralılara qarşı məğlubiyyətsiz seriyası 20 oyuna çatdı. Turun mərkəzi oyununda isə ÇSKA sevindi. “Hərbçilər” səfərdə “Dinamo”nu yenməklə premyer-liqada bir ildən çoxdu davam edən derbilərdəki qələbəsiz seriyaya son qoydular. ÇSKA derbidə son qələbəsini 2023-ün avqustunda “Lokomotiv”i yenməklə əldə etmişdi.
11-ci tur
Zenit – Orenburq 1:0
Mantuan, 61-p.
Zenit: Latışonok, Mantuan (Karavayev, 90+3), Nino, Alip, Santos, Barrios, Vendel, Qondu (Artur, 68), Klaudinyo (Yeroxin, 46), Mostovoy (Pedro, 46), Kassyerra (Sobolev, 87).
Krasnodar Ximki 4:0
Kordoba, 41; 73. Bati, 56. Kastanyo, 89.
Krasnodar: Aqkatsev, Petrov, Tormena, Kosta, Olasa, Lenini (Krivtsov, 80), Çernikov (Kastanyo, 61), Batçi (Kobnan, 75), Spertsyan (Smolov, 80), Sa (Kozlov, 61), Kordoba.
Dinamo M ÇSKA 1:2
Karraskal, 55 Fayzullayev, 17. Musayev, 89.
Dinamo M: Lunyov, Dasa (Kutitski, 64), Balbuena, Fernandes, Skopintsev (Mariçal, 46), Laksalt, Karraskal (Mauhub, 74), Nqamaleu, Bitello, Qomes (Fomin, 46), Tyukavin.
ÇSKA: Akinfeyev, Kellven, Diveyev, Roşa, Moyzes, Kruqovoy (Qayiç, 75), Zdelar, Kislyak (Bistroviç, 79), Oblyakov (Pyaniç, 75), Fayzullayev (Musayev, 75), Quarirapa.
Lokomotiv – Krılya Sovetov 1:0
Süleymanov, 75.
Lokomotiv: Lantratov, Nenaxov (Sarveli, 55), Nyamsi, Montes, Silyanov, Barinov, Karpukas (Tiknizyan, 55), Samoşnikov, Batrakov, Pinyaev (Sevikyan, 55), Vorobyov (Süleymanov, 74).
Spartak – Rostov 3:0
Umyarov, 28. Nikolson, 34; 45+4.
Spartak: Maksimenko, Denisov (Duarte, 64), Litvinov, Abena, Ryabçuk, Umyarov, Martins, Markinyos (Manqaş, 84), Barko, Uqalde (Bonqonda, 72), Nikolson (Joze, 72).
Akron – Nijni Novqorod 2:2
Benşimol, 39. Lonçar, 63 – Kariç, 46. Ze Turbo, 90+4.
Fakel – Dinamo Mh 1:1
Alşin, 51 – Ağalarov, 19.
Rubin – Axmat 2:0
Rojkov, 45. Daku, 90+1.
1. Krasnodar 11 8 3 0 22-5 27
2. Lokomotiv 11 9 0 2 26-14 27
3. Zenit 11 8 2 1 23-4 26
4. ÇSKA 11 6 2 3 21-7 20
5. Dinamo M 11 6 2 3 19-12 20
6. Spartak 11 5 4 2 17-9 19
7. Rubin 11 4 3 4 14-15 15
8. Akron 11 3 3 5 16-20 12
9. Rostov 11 3 3 5 13-20 12
10. Krılya Sovetov 11 3 2 6 9-15 11
11. Dinamo Mh 11 2 5 4 5-9 11
12. Nijni Novqorod 11 3 2 6 11-21 11
13. Ximki 11 1 5 5 9-20 8
14. Fakel 11 1 4 6 5-18 7
15. Orenburq 11 1 4 6 12-20 7
16. Axmat 11 0 6 5 7-20 6
Bombardirlər: Qluşenkov (Zenit), Batrakov (Lokomotiv) – 7, Kordoba (Krasnodar), Daku (Rubin), Uqalde (Spartak) – 6.
Növbəti turun oyunları oktyabrın 18-20-si aralığında keçiriləcək: Axmat – Fakel, Akron – Zenit, Dinamo Mh – ÇSKA, Ximki – Lokomotiv, Nijni Novqorod – Rostov, Orenburq – Krılya Sovetov, Rubin – Dinamo M, Spartak – Krasnodar.
Oyundan sonra
Murad Musayev, “Krasnodar”ın baş məşqçisi:
“Futbol elə oyundu ki, bütün taktiki planları həyata keçirmək çətin olur. Hətta hesab 2:0 olarkən də “Ximki”nin çox gözəl bir qol fürsəti oldu. Qapıçımız bizi xilas etdi. “Ximki” yaxşı rəqibdi, onu yenmək üçün meydanda var gücünü qoymalısan. Gərginlik son anlara qədər hiss olundu. Fanatlar açıq futbol izlədi. Hücum etmək üçün əlimizə kifayət qədər boş zonalar düşürdü. Komandamın daha sakit və soyuqqanlı oynamasını istərdim. Amma “Zenit” üzərindəki emosional qələbədən sonra bunu gözləmək olardı. Hətta qorxurdum ki, həmin matçdan sonra oyunçularda bir qədər rahatlıq yaranacaq. Amma nəticə istədiyimiz kimi oldu. Bir qədər dincələndən sonra növbəti oyunlara hazırlaşacağıq”.
Mixail Qalaktionov, “Lokomotiv”in baş məşqçisi:
“Bu gün ötürmələrdə çox səhvə yol verdik. Rəqibin də haqqını vermək lazımdı. “Krılya Sovetov” öz oyun dəst-xətti olan gənc komandadı. Ümumiyyətlə, bir komandanın turnir cədvəlindəki mövqeyindən asılı olmayaraq, bizim liqada asan oyunlar olmur. Hər kəs bir-birinə problem yarada bilir. Bu gün bizim üçün heç də asan olmadı. Ona görə də qazanılan 3 xaldan razıyam”.
Digər xəbərlər
