A seriyasının 7-ci turundan sonra lider dəyişmədi. Tura 1-ci yerdə başlayan “Napoli” evdə “Komo”ya 3:1 hesabıyla qalib gəlməklə mövqeyini qorudu.

Antonio Kontenin bu yaydan çalışdırdığı komandanın əsas izləyicisi isə xal itirdi. “Yuventus” öz meydanında “Kalyari” üzərində qələbəni son dəqiqələrdə əldən verdi. Görünür, Tyaqo Mottanın komandası həftəiçi Çempionlar Liqasında “Leyptsiq”i Almaniyada on nəfərlə qalandan sonra məğlub etdiyi (3:2) oyunda həddən artıq enerji itirib. A seriyasında son 5 oyunda 4-cü dəfə heç-heçə edən “Yuventus” 2-ci yerdəki mövqeyini itirdi.

Ona görə ki, “ağ-qaralar”ın əsas izləyicilərindən biri qalib gəldi. Maraqlıdı ki, eni xala malik olan “İnter” və “Torino” Milanda qarşılaşdı. Qonaqlar müdafiəçi Maripanın 20-ci dəqiqədə qırmızı vərəqə almasına görə son çempiona qarşı uzun müddət azlıqla mübarizə apardılar. Paolo Vanolinin komandası 2:3 hesabıyla uduzsa da, döyüşkən kollektiv olduğunu göstərdi. “İnter” Markus Türamın het-triki sayəsində liderin əsas izləyicisinə çevrildi.

Derbidə əzəli rəqibi “İnter” üzərində qələbə “Milan”a psixoloji cəhəttən müsbət təsir etmişdi. Mövsümə qeyri-qənaətbəxş başlayan vitse-çempion artıq 3 oyunluq qələbə seriyası yaxalamışdı. Lakin “Fiorentina” ilə səfər oyunu lombardiyalılar üçün uğursuz alındı. Bəlkə də Ernandes ilə Abraham penaltiləri qaçırmasaydılar nəticə üzücü olmaya bilərdi. Amma ispaniyalı De Xea kimi Menyan da florensiyalıların hücumçusu Kenin zərbəsini dəf etdi. Paulu Fonsekanın komandası 1:2 hesablı məğlubiyyətlə 4-cü yerdən 6-ya düşdü. “Yuventus”, “Latsio” və “Udineze” hərəyə 13 xalla 3-5-ci yerləri bölüşürlər.

7-ci tur
Napoli – Komo 3:1
Maktominey, 1. Lukaku, 53. Neres, 86 – Srefetsa, 43. (50000)
Napoli: Kaprile, Olivera (Spinatsola, 88), Buoncorno, Rrahmani, Di Lorentso, Maktominey, Lobotka (Gilmor, 90+1), Zambo Angissa, Kvaratsxeliya (Matsokki, 79), Politano (Neres, 79), Lukaku (Simeone, 88).

Yuventus Kalyari 1:1
D.Vlahoviç, 15-p. Marin, 88-p. (40557)
Yuventus: Di Qreqorio, Kambyaso, Qatti, Kalulu, Savona (Danilo, 70), K.Türam (Duqlas Luis, 62), Lokatelli (Makkenni, 62), Mbanqula (Yıldız, 77), Koopmeyners (Facoli, 46), Konseysao, D.Vlahoviç.

İnter – Torino 3:2
M.Türam, 25; 35; 60 – Sapata, 36. Vlaşiç, 86-p. (73348)
İnter: Zommer, Dimarko, Açerbi, Bissek (Pavar, 46), A.Bastoni (De Vrey, 82), Darmian (Dyumfris, 62), Mxitaryan (Zyelinski, 77), Çalhanoğlu, Frattezi, Lautaro Martines, M.Türam (Taremi, 68).

Atalanta – Cenoa 5:1
Retegi, 24; 50; 74-p. Ederson, 60. De Roon, 80 – Exator, 83. (23136)
Atalanta: Karnesekki, Kolaşinats, Hin, De Roon, Zappakosta, Ederson (Sulemana, 78), Paşaliç, Bellanova (Palestra, 78), De Ketelare (Samarciç, 69), Retegi (V.Vlahoviç, 78), Lukman (Zanyolo, 68).

Bolonya – Parma 0:0
(28400)
Bolonya: Ravalya, Likoyannis (Karlsson, 68), Erliç, Beukema, Holm, Moro (Urbanski, 46), Fröyler, Ebişer (Aylinq, 68), Ndoy (Miranda, 79), Orsolini (Fabbian, 46), Kastro.

Latsio – Empoli 2:1
Zakkanyi, 45+4. Pedro, 84 – Espozito, 9. (38000)
Latsio: Provedel, Tavareş (Luka Pelleqrini, 68), Romanyoli, Xila, Latsari (Maruşiç, 38), Rovella, Genduzi, Zakkanyi (Noslin, 87), İsaksen (Pedro, 73), Dia (Kastrovilli, 86), Kastelyanos.

Montsa – Roma 1:1
Mota, 70 – Dovbik, 61. (12021)
Roma: Svilar, Anxelinyo (Pizilli, 71), Ndika, Mançini, Kone, Kristante, Çelik (Baldantsi, 86), Əl-Şaaravi (Zalevski, 20), Lorentso Pelleqrini (Şomurodov, 86), Sule (Ermoso, 71), Dovbik.

Fiorentina – Milan 2:1
Adli, 35. Qudmundsson, 73 – Pulişiç, 60. (21923)
Fiorentina: De Xea, Qosens, Ranyeri, Komutso, Dodo, Bove, Adli (Biraqi, 77), Kataldi (Riçardson, 67), Qudmundsson (Kuame, 77), Kolpani (Kayode, 90+3), Ken.
Milan: Menyan, Ernandes, Tomori, Qabbya, Emerson, Fofana, Reynders, Leao (Okafor, 73), Pulişiç (Çukvueze, 82), Morata, Abraham.

Verona – Venetsiya 2:1
Tenqstedt, 9. Yoronen, 81-öz qapısına – Oristanino, 3. (25979)
Udineze – Leççe 1:0
Zemura, 75. (21441)

1. Napoli 7 5 1 1 14-5 16
2. İnter 7 4 2 1 16-9 14
3. Yuventus 7 3 4 0 10-1 13
4. Latsio 7 4 1 2 14-11 13
5. Udineze 7 4 1 2 10-10 13
6. Milan 7 3 2 2 15-9 11
7. Torino 7 3 2 2 12-11 11
8. Atalanta 7 3 1 3 16-13 10
9. Roma 7 2 4 1 8-5 10
10. Empoli 7 2 4 1 6-4 10
11. Fiorentina 7 2 4 1 9-8 10
12. Verona 7 3 0 4 12-12 9
13. Bolonya 7 1 5 1 7-9 8
14. Komo 7 2 2 3 10-14 8
15. Kalyari 7 1 3 3 5-11 6
16. Parma 7 1 3 3 10-12 6
17. Leççe 7 1 2 4 3-12 5
18. Cenoa 7 1 2 4 5-15 5
19. Montsa 7 0 4 3 5-9 4
20. Venetsiya 7 1 1 5 5-12 4

Bombardirlər: Retegi (Atalanta), M.Türam (İnter) - 7, D.Vlahoviç (Yuventus), Pulişiç (Milan) - 5, Kutrone (Komo) - 4.

Növbəti turun oyunları oktyabrın 19-21-i aralığında keçiriləcək: Komo - Parma, Cenoa – Bolonya, Milan – Udineze, Yuventus – Latsio, Empoli – Napoli, Leççe – Fiorentina, Venetsiya - Atalanta, Kalyari - Torino, Roma - İnter, Verona - Montsa.

Turun rəqəmi
7 – Nəhayət, “Yuventus”un qapısına yol tapan tapıldı. “Kalyari”nin oyunçusu Marin penaltini dəqiq yerinə yetirməklə turinlilərin 7 oyunluq seriyasına son qoydu. Qeyd edək ki, bu seriya ötən mövsümün “Montsa” ilə son matçından (2:0) başlamış və “Yuventus” bu mövsümün ilk 6 oyununda da qapısını toxunulmaz saxlamışdı.

Turun ulduzu
Mateo Retegi (Atalanta) – o, əvvəlki komandası “Cenoa” ilə oyunda “Atalanta”nın 5:1 hesablı qələbəsində 3 qol və 1 məhsuldar ötürmə ilə böyük pay sahibi oldu. Görünür, Mateo Genuyada özünü o qədər də rahat hiss etmirmiş. 25 yaşlı hücumçu ötən mövsüm “Cenoa”nın formasında A seriyasında keçirdiyi 29 oyunda 7 qol vurmuşdu. Artıq “Atalanta”da 7 oyuna bu göstəriciyə çatıb!

Turun sitatı
Simone İnzaqi, “İnter”in baş məşqçisi: