Killian Mbappe bir müddət klubuna kömək edə bilməyəcək. Fransalı futbolçunun son durumu açıqlanıb.

“Real”ın hücumçusunun zədədən bərpa müddəti bəlli olub.İnsayder Fabritsio Romanonun sosial hesabı vasitəsilə verdiyi xəbərə görə, 25 yaşlı futbolçuda La Liqanın “Alaves” ilə matçında (3:2) sol ayağın biseps əzələsinin zədələnməsi aşkarlanıb. Mbappenin buna görə 3 həftə yaşıl meydanlardan uzaq qalacağı bildirilir. O, “Atletiko”, “Lill” və “Valyadolid”ə qarşı oyunları buraxmalı olacaq.

Qeyd edək ki, Killian bu mövsüm “Real”ın heyətində 9 oyuna çıxıb, 7 qol vurub və 1 məhsuldar ötürmə edib.