"Fikrimcə, Qara Qarayevin "Neftçi"yə keçidi düzgün deyildi. "Neftçi"də son iki-üç il ərzində kim performansını göstərə bilib ki... Bu baxımdan "Neftçi" düzgün seçim deyildi. Kimsə desə ki, Qara "Neftçi"yə keçdi və çoxlu pul qazandı və doğrudan da qazanıbsa, bəlkə də düzgün addım atdı. Qarayevin "Qarabağ"a dönəcəyinə inanmıram. "Qarabağ"ı əzəli rəqibi "Neftçi"yə dəyişəndən sonra yenidən qayıtması çətin olar. Qara Ağdam klubunda olarkən heyətə düşə bilmirdi deyə ayrıldı. Özü komandadan getmək istədi. Yaşının 31 olduğunu göz önünə gətirsək, onun üçün ən uğurlu seçim Türkiyə olardı. Amma təəssüf ki, onlarda “transfer pəncərəsi” bağlıdı. Qara mənim müştərim olsa, ona verəcəyim məsləhət hansısa klubda qışa qədər qalıb, ondan sonra Türkiyəyə yollanmaq olardı".