“Qara məsələsinin əslini bilmirik. Çünki detalları mən də dəqiq anlaya bilmirəm. Xəbərləri mətbuatdan oxuyuram. Klubdan ayrılacağını həqiqətən gözləmirdim. Doğrudan da, Qara yaxşı futbolçudu. Karyerası da göz önündədi. Sadəcə, "Neftçi"də nə baş verdiyini bilmirik. Çünki rəhbərlikdə, klub daxilində və məşqçi korpusunda nələrin baş verdiyindən xəbərsizik. "Neftçi"də nə baş verdiyini, mənə elə gəlir ki, Azərbaycan futbolu da anlamır. Ona görə bu qərarın səbəbləri barədə müzakirə apara bilmərik. Sual, yəqin ki, "Neftçi"nin rəhbərliyinə, məşqçi heyətinə və Qara Qarayevə verilsə, daha yaxşı olar. Mövsümün əvvəlində komandadan ayrılmaq heç xoş deyil. Heyətdən hansısa futbolçunu çıxarmaq, göndərmək heç bir futbol üçün yaxşı deyil. İstəmirsizsə, niyə müqavilə bağlayırdız, bağlamısızsa, niyə çıxarıb uşağı bədbəxt edirsiz?! Bunlar bəyəniləsi şeylər deyil. Amma Qaranın "Qarabağ"dan çıxıb "Neftçi"yə getməsi səhv idi, yoxsa başqa nə oldu, onu da deyə bilmirəm. Hər bir insan özü daha yaxşı bilir harda nəyi səhv, nəyi düz etdiyini. Qismət də deyə bilərik. "Neftçi"də daha uğurlu olsaydı, hamı daha yaxşı seçim etdiyini deyərdi. Qismətində bu da varmış, "Neftçi"də alınmadı”.