''Hər birimiz çox üzgünük. Bir oyunda uduzmaqla çempionluq əldən çıxmır. Oyun baxımından pis təsir bağışlamadıq. Statistik göstəricilərdə rəqibimizi üstələdik. Amma təbii ki, futbolda nəticə hər zaman ön plandadı. Ötən mövsüm bir ara 5 xal önə keçmişdik. Bu üstünlük bizə çempionluğu qazandırmadı. Eyni şəkildə indi də 5 xal geriyə düşmək də bizi çempionluq yarışından qoparmayacaq. Biz ''Fənərbaxça''yıq və güclü camiəyik. Bir məğlubiyyət bizi sarsıda bilməz. Heyətimizdən də, məşqçimizdən də məmnunuq. Onlara güvənirik. Biz tərəfdən qətiyyən ümidsizliyə qapılmaq kimi bir durum yoxdu. Bu, sadəcə bir yol qəzasıdı. Dediyim kimi ortaya qoyulan futbol gələcək üçün ümid verdi. 4-5 qol fürsətimiz oldu. Artıq geriyə baxmağın bir önəmi yoxdu. İrəliyə və bundan sonra edə biləcəklərimizə baxmalıyıq. Mourinyo lazımi müdaxilələri edəcək. Bir futbolçu konkret bir oyunda zəif təsir bağışlaya bilər. Siz məndən Ən-Nəsirini soruşursuz. Amma mən də Osimheni soruşuram. Osimhen bu qədərmi güclü oynadı? Derbilərdə adətən forvardların əlinə elə də çox qol fürsətləri düşmür. Fərdi performanslara girməyək. Bu gün üçün fanatlarımızı üzdük. Amma bunun öhdəsindən gələcəyik və birlikdə irəli hərəkət edəcəyik. Qarşıda hələ qazanılması mümkün olan 90 xal var. İndidən hər şeyin üstündən xətt çəkmək düzgün deyil. Bu, sadəcə bir dənə məğlubiyyətdi. Qarşıdakı oyunlara köklənəcəyik''.