''Ötən həftə Türkiyədə hakimliyin bitdiyini söyləmişdim. Sözlərim təsdiq olundu. Ölkədə nə futbol var, nə də hakimlik. Trabzondakı qarşılaşmaya gəlincə, həmin oyun dünyanın istənilən başqa ölkəsində oynanılsaydı, başa çatdırılmazdı. O oyunun axıra kimi oynanılma şansı olmazdı. Hakim bu boyda olaylardan sonra oyunu davam etdirməklə bizi bütün dünyada biabır etdi. Bu, əsl futbol qətliamıdı. Oyunboyu qapıçının üstünə yad cisimlər, fişənglər atıldı. Həmin qapıçı bu cür şərtlər altında necə oyuna köklənə bilər? Həyatı bu dərəcədə təhlükədə olan bir şəxs normal futbol oynaya bilərmi? Xəlil Umut Meler birmənalı şəkildə və ən qısa zamanda karyerasını bitirməlidi. Türkiyədəki hakimlər son dərəcə bacarıqsız və istedadsızdı! ''Fənərbaxça'' da bunun qurbanına çevrilir''.