Türkiyənin 1-ci liqa təmsilçisi ''Ankaragücü'' son transferi ilə diqqət çəkib.

"Football-plus.az" xəbər verir ki, ''Borussiya''nın sabiq üzvü Türkiyənin 1-ci liqasında oynayacaqPaytaxt təmsilçisi Dortmund ''Borussiya''sının sabiq üzvü Niko Şultsu heyətinə qatıb. 31 yaşlı futbolçu ilə ikiillik müqavilə imzalanıb. Əsasən sol müdafiəçi kimi oynayan Şults ''Herta''nın yetirməsidi və karyerasına da bu klubda start verib.

Daha sonra Münhenqladbax ''Borussiya''sı və ''Hoffenhaym''da top qovan Şults 2019-un yayında 25 milyon avroya Dortmund klubuna transfer olunub. O, ilk 3 mövsümdə 40-ı bundesliqa, 10-u Çempionlar Liqası, 6-sı ölkə kuboku olmaqla 56 rəsmi oyunda forma geydi. Amma onun karyerası iki il öncə faktiki olaraq dayandı.

2022-nin avqustunda futbolçunun o dönəmdəki həyat yoldaşı onu fiziki və psixoloji təzyiqlərdə günahlandıraaraq Şultsu məhkəməyə verdi. Özü də qadın hamilə olduğu və doğuşa 2 həftə qalarkən döyüldüyünü iddia etmişdi. Bu qalmaqal onların boşanması ilə nəticələndi və məhkəmənin qərarı ilə

Şults xanıma 150 min avro təzminat ödəməli oldu. Yəni almaniyalı futbolçu son iki ildə heç bir rəsmi oyuna çıxmayıb. ''Borussiya'' onunla müqaviləni ötən yay 2,5 milyon avro təzminat qarşılığında ləğv etmişdi.

Şultsun 2018-20-ci illərdə Almaniya yığmasında 12 oyun keçirdiyini və 2 qol vurduğunu da bildirək.

ELI