Azər Bağırovla Orxan Əliyev arasındakı “buzlar əridi”?
Ötən mövsüm Azər Bağırovla Orxan Əliyevin arasında soyuq küləklər əsdiyini hamı bilir.
“Araz-Naxçvan” eniş yaşadıqdan dərhal sonra istefaya göndərilən Bağırov müsahibələrinin birində belə demişdi:
“Orxan bir neçə il əvvəl premyer-liqada çıxış edib. Deməli, hansısa səbəb olub ki, bu komandalardan ayrılıb. Mən də həmin səbəbləri görüb özüylə danışmışam. Ümumiyyətlə, belə bacarıqlı futbolçunun diviziona qədər düşməsinin səbəbləri var. Bəzən insanın səhvini deyəndə yanlış anlayır. Ya qısqanclıq kimi başa düşür, ya da səndən ağıllı olduğunu zənn edir. Belə deyil. Məşqçi, dost futbolçuya nəsə tövsiyə verə bilər. İnsan bunu başa düşmürsə, artıq onun öz problemidi”.
Daha sonra Əliyev baş məşqçiyə cavab olaraq “dəfələrlə Azər müəllimə zəng edib uğur arzulamaq istəsəm də, dəstəyi qaldırmayıb. Bu, mənə hörmətsizlik deyil? Bəli, son vaxtlar oyunum alınmır. O demək deyil ki, üzərimdə çalışmıram, ya nəyisə qəsdən edirəm” dedi.
Bir müddət əvvəl “Kəpəz”ə keçən futbolçunun bu təyinata reaksiyanını öyrənməyi lazım bildik. Görəsən, Orxan Azər Bağırovla yenidən işləməyi arzulayardımı?
Əliyev “Football-plus.az”a aşıqlamasında bu sözləri dedi:
“İlk növbədə Azər müəllimi yeni təyinat münasibətilə təbrik edirəm. İnşallah, onun üçün bura uğurlu olacaq. İkincisi, niyə belə düşünülür, onunla heç bir problemim olmayıb. İki il yarım biryerdə işləmişik.Yaxşı günlərimiz, pis günlərimiz olub. Azər müəllimlə elə bir problemim olmayıb. Futboldu, futbolda hər şey ola bilir. İndi gəlib yeni komandaya, mən də burdayam. Biz bir-birimizi yaxşı tanıyırıq. Bilirik ki, hansı vəziyyətdə nələr etməliyik. Ümid edirəm ki, birgə yaxşı nəticələr əldə edə biləcəyik”.
RÖYANƏ OĞUZ
Digər xəbərlər
