“Denver”in və Serbiya yığmasının lideri Nikola Yokiç milli komandanın basketbolçularının hər birinə hədiyyə verib.

Ulduz basketbolçu Paris Olimpiadasında bürünc medal qazanan oyundaşlarının əməyini belə dəyərləndirib. O, komanda yoldaşlarının hər birinə “Rolex” markalı saat bağışlayıb. “Blic”in yazdığına görə, belə saatların birinin qiyməti 32,5 min dollardı. Yokiçin ümumilikdə 400 min dollara yaxın pulu çıxıb.

Xatırladaq ki, Serbiya yığması 3-cü yer uğrunda oyunda Almaniyaya 93:83 hesabıyla qalib gəlmişdi.