“Denver”in mərkəz oyunçusu Nikola Yokiç klubda qalacaq.

“The Athletic”in insayderi Şəms Çaraniyanın yaydığı xəbərə görə, 27 yaşlı serb ulduz 264 milyon dollarlıq beşillik müqavilə imzalayıb. İki dəfə MBA-nın ən dəyərli oyunçusu seçilən Yokiç bununla da liqanın tarixində ən baha müqaviləyə yiyələnib.

Serb basketbolçu son mövsümdə meydana çıxdığı 74 oyunun hər birində orta hesabla 27,1 xal toplayıb, 13,7 ribaund edib və 7,9 ötürmə verib.