“İlk oyunda qazanılan üstünlük boşa getməməlidi. “Dinamo” tarixində heç vaxt 3:0 hesabıyla qalib gələndən sonra mübarizəni dayandırmayıb. Bu fakt ümidverici olsa da, həyəcanlı olmağa dəyər. Çünki zaqreblilər bu axşam tarixinin ən böyük mükafatını ala bilər. Söhbət 30 milyon avrodan gedir.
“Dinamo”nun avrokuboklardakı ən böyükhesablı məğlubiyyətini axtarmaq üçün çox uzağa getməyək. Komanda ötən mövsüm Konfrans Liqasının 1/16 finalında PAOK-a 1:5 hesabıyla uduzdu. Həmin matçda baş məşqçi Sergey Yakiroviç idi ki, heyətdəki oyunçuların əksəriyyəti bu gün də meydana çıxacaq.
Bu üzdən “mavilər” maksimum ehtiyatlı olmalıdı. Qurban Qurbanovun komandası “Maksimir”də keçirdiyi oyunun son 30 dəqiqədə göstərdiyi performansı təkrarlamamalıdı. Rəqib çox təhlükəli olduğunu və futbolu bacardığını sübut edib. Ümumiyyətlə, “Qarabağ” hər kəslə bacara bilər. Biz məğlubedilməz “Bayer-04”ü nokaut edən komandadan bəhs edirik.

“Dinamo” avrokuboklarda keçirdiyi 380 matçın 13-də böyük hesabla məğlub olub. Bunu bacaranlar “Barselona”, “Atletiko”, “Tottenhem”, “Ayaks”, “Lion”, “Real”, PSJ, “Zaltsburq”, “Bavariya”, “Sevilya”, “Yuventus”, “Milan” və PAOK-du. Əminəm ki, “Qarabağ” bu siyahıya daxil olmayacaq”.