“Əvvəlki legionerlərin biraylıq maaşı indikilərin birillik qazancıdı” - “Qəbələ”nin idman direktoru
1-ci liqanın iddialı klublarından “Qəbələ” dünən Konqo yığmasının yarımmüdafiəçisi Domi Jaures Massoumonu transfer edib.
Klub onunla 2 illik müqavilə imzalayıb. Aşağı liqaya düşərkən legionerləri büdcə üzündən göndərən “qırmızı-qaralar”ın yenidən əcnəbilərlə anlaşması maraq doğurdu. Klubun idman direktoru Səbuhi Səfiyarlının bununla bağlı “Football-plus.az”a açıqlaması:
“Bir neçə futbolçunu baxışa çağırmışdıq. Domini onların arasından seçdik. 3-4 legioner də cəlb etməyi planlaşdırırıq. Büdcə müqayisəyəgəlməz dərəcədədi. Yəni aradakı fərq böyükdü. Əvvəlkilərin biraylıq maaşı indikilərin birillik qazancıdı. Legionerdən legionerə fərq var. Əcnəbi futbolçu gəlibsə, yüz minə gəlməlidi?! Əlbəttə, maaşlarda fərq var. Başqa legionerlər də olacaq”.
RÖYANƏ OĞUZ
Digər xəbərlər
