“Qarabağ” bu gün Çempionlar Liqasında ilk pley-off oyununu keçirəcək.

“Football-plus.az” xəbər verir ki, ağdamlılar Zaqreb “Dinamo”sunun qonağı olacaq. Düzdü, “köhlən atlar”ı tribunalardan nə qədər azərbaycanlı azarkeşin dəstəkləyəcəyi dəqiq deyil. Lakin “İmarət Avropa” fanklubu bu yöndə müəyyən addımlar atıb. Belə ki, azarkeş qrupu bir neçə gün əvvəl Xorvatiyaya yollanacağını elan edərək komandanı tribunadan dəstəkləmək istəyənləri onlara qoşulmağa dəvət edib.

Əldə etdiyimiz məlumata görə, stadionda təxminən 15-20 nəfər “Qarabağ” azarkeşi olacaq. Həmçinin “İmarət Avropa” üzərində Ağdam klubunun şəhid azarkeşi Məhəmmədəli İbrahimlinin şəkli olan bayrağını da nümayiş etdirəcək.

“Dinamo”nun ev oyunlarını keçiridiyi “Maksimir” stadionu 37168 yerlikdi.

KƏNAN BAHADIR