“Hesab edirəm ki, təxminən “Ludoqorets”lə oyunun ssenarisi üzrə keçəcək bu görüş. Statistikaya gəlincə, keçmişdə qazanılan göstəricilərin indi önəmi yoxdu. Bu statistika yalnız “Dinamo”nun köklü klub olmasının göstəricisidi. Amma düşünmürəm ki, “Dinamo” indiki duruma görə “Qarabağ”ı qabaqlaya bilsin. Bəlkə də fubolçularının dəyəri baxımından Xorvatiya təmsilçisi öndədi. Amma keyfiyyət baxımından qiymətləndirsək, məncə, aşağı-yuxarı eyni səviyyəli komandalardı. Tərəflərin üstün və mənfi tərəflərinə gəlincə, düşünürəm ki, zaqreblilərin hücum xəttində yetərincə yaxşı futbolçular var. Hanıs ki, həmin oyunçuların potensialına görə bu komandanı yüksək dəyərləndirə bilərik. Bu, onların üstün tərəfidi. Ancaq “Dinamo”nu təhlil etdikdə görürük ki, çoxlu əks-hücumlarda yaxalanırlar və çoxlu qol da buraxırlar. Bu da onların zəif tərəflərindən biridi. Bizlə müqayisə etsək, hesab edirəm ki, “Qarabağ” əks-hücumlara yaxalanmaq baxımından “Dinamo”dan öndəyik. Çünki “köhlən atlar” daha balanslı oynaya bilir. Baxmayaraq ki, “Ludoqortes” Bakıdakı görüşdə iki əks-hücumda iki qol da vura bilmişdi. Bunu “Ludoqorets”in bəxtinə yazmaq olar. Bütün komandalar aşağı-yuxarı iki-üç dəfə əks-hücuma yaxalanırr. Doğrusu, bizim də zəif tərəflərimiz var. O da standart vəziyyətlər və cinah asmalarıdı. Bu baxımdan “Dinamo”dan təhlükə gözləyə bilərik. Yəqin ki, Zaqreb klubunun məşqçi heyəti “Qarabağ”ın “Ludoqrets”lə oyunlarını izləyib, komandamızın çatışmazlıqlarını incələyiblər. Elə buraxdığımız qollara baxanda bu təhlilin heç də çətin olmayacağı bəllidi. Lakin ümumilikdə götürsək, bəlkə də şansımız daha yüksəkdi. 8-10 il əvvəl ÇL-də çıxış edən “Dinamo” olsaydı, onda bizimkilərdən üstün olduğunu demək olardı. İndi Zaqreb klubu keçid məhələsini yaşayır. Bunları rəqibi kiçiltmək üçün demirəm. Ümumiyyətlə, ÇL-in pley-off mərhələsinə kimi gəlib çıxan hər bir komandanın bəlli səviyyəsi var. Fəqət yenə də düşünürəm ki, “Qarabağ”ın pley-off mərhələsini keçmək şansı daha çoxdu. Fikrimcə, ağdamlıların hücum xətti daha kəskin oynayır və daha çox qol vəziyyəti yaradır. Müdafiədə də “Dinamo” ilə müqayisədə daha yaxşı görünürük. Hesab edirəm ki, bizim hücumçular zaqreblilərin müdafiə xəttini yarmağa qadirdi. Ancaq onların hücum xəttinin bizim müdafiə xəttinin yara biləcəkləri, doğrusu, mənə inandırıcı gəlmir. Yarsalar belə, bu statistikada “köhlən atlar” daha öndə olacaq. Belədə pley-off mərhələsini adlayan tərəf biz olacağıq. Təbii ki, burda oyunun gedişində yaşanan bəzi məqamlar var. Onları bilmək mümkün deyil. Məsələn, fərdi səhvlər, qırmızı vərəqə, zədəlilər və s. “Dinamo” da meydanda dominantlığı sevən klubdu. Ancaq hesab edirəm ki, səfərdə şanslar 50-nin 50-yə ola biləcəyi halda, Bakıdakı görüşdə üstünlük bizdə olacaq. “Qarabağ” evdə qol imkanları yarada və bunları dəyərləndirə biləcək”.