“Bu "Dinamo" "Qarabağ"a çox müqavimət göstərə bilməyəcək”- Zaur Ramazanov
Hər kəs səbirsizliklə “Qarabağ”ın Zaqrebdəki pley-off oyununu gözləyir.
Amma “Dinamo” azərbaycanlı futbolsevərlərə yad deyil. Çempionlar Liqasının 2007/08 mövsümündə zaqreblilər “Xəzər-Lənkəran”ı çətinliklə mübarizədən kənarlaşdırmışdı. Cənublular Bakıda bu komanda ilə heç-heçə (1:1) etmiş, səfərdə yalnız əlavə vaxtda buraxdığı qollarla uduzmuşdu (1:3).
Bəs “Qarabağ” indiki “Dinamo” ilə bacaracaqmı? “Xəzər-Lənkəran”ın heyətində Zaqreb klubu qarşı yaxşı oyunu ilə adından söz etdirəm Zaur Ramazanovun fikirlərini öyrəndik. Onun “Football-plus.az”a söylədikləri:
“Bizim vaxtımızdakı "Dinamo" ilə indiki arasında çox böyük fərq var. O vaxt Luka Modriç, Mario Mancukik, Eduardo Alves da Silva kimi futbolçular vardı. Amma sonuncu oyununlarına baxdım, 90-cı dəqiqələrdə güclə uddular. Bizim oynadığımız dövrün “Dinamo”su ilə yerdən göyə qədər fərq var. O vaxtı “Xəzər-Lənkaran”a qarşı oyunda böyük oyunçulara qarşı oynayıb, qol vurmağım hələ də xatirimdədi. Bizim vaxtımızda çox güclü idilər. Mənə elə gəlir ki, bu gün "Qarabağ" üçün çətin olmayacaq. Bu "Dinamo" "Qarabağ"a çox müqavimət göstərə bilməyəcək. “Köhlən atlar” daha üstündü”.
RÖYANƏ OĞUZ
Digər xəbərlər
