“Qarabağ”ın “Ludoqorets”i səfərdə 7:2 hesabıyla məğlub etməsi qorxulu səslənir. Lakin təşvişə ehtiyac yoxdu. Çünki bolqarlar əlavə vaxtda karton qutu kimi dağıldı. Dördüncü qolu buraxan kollektiv ancaq irəli atıldı və rəqib arzuladığı boşluqları asanlıqla tapdı. Yəni nəticə heç kimi aldatmasın. 93-cü dəqiqəyə qədər bərabərsəviyyəli komandaların qarşılaşmasını izlədik. Əlbəttə, “Ludoqorets” bizim üçün daha asan rəqib olardı. Bəs azərbaycanlıları necə məğlub edəcəyik? “Qarabağ”ın cəmi iki təhlükəli futbolçusu var. Müdafiə xəttində isə “sızma” çoxdu. “Dinamo” istədiyi səviyyədə oynasa və özünə güvənsə, Çempionlar Liqası əlçatandı. Bu başqa məsələ ki, Qurban Qurbanov təcrübəli, mütəşəkkil və intizamlı futbolçulara rəhbərlik edir. Biz oyuna obyektiv baxmalıyıq. Axı “mavilər” də sadaladığımız keyfiyyətlərə malikdi. Şübhə yoxdu ki, kağız üzərində favorit “Dinamo”du.

Bayaq dediyimiz mövzuya qayıdaq. Rəqibin iki təhlükəli futbolçusu var. Birincisi Yassin Benzyadı. O, “Qarabağ”ın Baturinasıdı ("Dinamo"nun 21 yaşlı yarımmüdafiəçisi Martin Baturina – red.). Oyunda hər şey bu futbolçunun ətrafında cərəyan edir. İkincisi kapitan Abdulla Zubirdi. 32 yaşlı cinah oyunçusu bu komandaya altı il əvvəl gəlib. “Qarabağ”ın ən böyük qüsuru isə müdafiə xəttinin tez sınmasıdı. Bunun əsas səbəbkarı kolumbiyalı müdafiəçi Kevin Medinadı. O, “Ludoqorets”lə hər iki oyunda pis çıxış etdi və bolqarlar, adətən, onun səhvlərindən yararlandı.

Hər halda, “Dinamo” azərbaycanlılara münasibətdə son dərəcə ciddi olmalıdı. Ən kiçik yanlış belə “mavilər”ə baha başa gələcək. “Qarabağ” bu mənada hər rəqib kimi hörmətəlayiqdi, amma “Dinamo”nun şansları daha çoxdu”.