“Qarabağ” Çempionlar Liqasının 3-cü təsnifat mərhələsi çərçivəsində “Ludoqorets” üzərində səfərdə 7:2 hesablı qələbə qazandı.

Avrokuboklarda ən böyükhesablı ev məğlubiyyətini alan Bolqarıstan təmsilçisi oyundan bir neçə saat sonra baş məşqçi Georgi Dermenciyevlə yolları ayırdı. Belədə bolqar məşqçi Qurbanovun son 2 iki mövsümdəki üçüncü qurbanı oldu. Bu hadisə ötən mövsüm ölkə çempionatında baş vermiş mistik hadisəni xatırlatdı. Belə ki, ötən il noyabrın 4-də Misli premyer-liqasının 12-ci turunda Qurbanovun “Qarabağ”ı Azər Məmmədovun rəhbərlik etdiyi “Kəpəz”i 7:1 hesablı məğlubiyyətə düçar etmişdi. Oyundan cəmi bir gün sonra Məmmədov istefa ərizəsini yazaraq, tutduğu postdan ayrılmışdı. Ardından yenə həmin mövsüm ölkə kubokunun 1/4 finalında Murad Musayevin çalışdırıcısı olduğu “Sabah”ı səfər matçında eyni hesablı nəticəylə məğlub edərək, cütün taleyini, demək olar ki, ilk oyundaca həll etmişdi. Darmadağından sonra Musayev rəhbərliyin onu göndərmək istəməməsinə baxmayaraq, istefa ərizəsini yazıb Masazır təmsilçisindən ayrılmağa qərar vermişdi.

Doğrusu, növbəti qurban bir az fərqli ssenaridə oldu. Çünki Bakıdan qələbəylə dönən “Ludoqorets”in belə darmadağınla mübarizəni dayandıracağına heç kim inanmazdı. Fəqət görünən odu ki, yerli çempionatda hegemonluğu davam etdirən “Qarabağ”ın qarşısını avrokuboklarda da almaq çətindi. Rəqibin həm büdcə, həm də heyət baxımından nə qədər yaxşı olmasının isə bir o qədər də əhəmiyyəti yoxdu. İstefa verən hər üç komandanın qapısında 7 qol görməsi təsadüfü də diqqətdən yayınmır.

İndi Qurbanovun sıradakı hədəfinin kim olacağı maraqlıdı. Ancaq ən önəmli hədəfin Sergey Yakiroviçin rəhbərlik etdiyi Zaqreb “Dinamo”su olduğuna əminəm.

KAMAL SƏFƏR