Azərbaycanlı futbolçular niyə penalti vura bilmir? - Ponomaryovdan məsləhət
“Zirə”nin Konfrans Liqasında pley-offa vəsiqə qazanması hər kəsi sevindirdi.
Oyunsonrası penalti seriyasında üç azərbaycanlı futbolçunun penaltini boşa verməsi isə qınanıldı. İctimaiyyətdə belə bir fikir formalaşdı ki, penaltiləri azərbaycanlı futbolçuların əvəzinə legionerlərə həvalə etmək lazımdı. Maraqlıdı, azərbaycanlı futbolçular niyə 11 metrlik cərimə zərbəsini dəqiq yerinə yetirmir?
Bu sualla SSRİ futbolunun ən usta penalti vuranlarından biri, hazırda “Sabah”ın idman direktoru olan İqor Ponomaryova müraciət etdik. Onun “Football-plus.az”a söylədikləri:
“İlk növbədə “Zirə”ni Konfrans Liqasının pley-offuna yüksəlməsi münasibətilə təbrik edirəm. Bir sözlə, afərin! Penaltilərə gəlincə, düşünürəm ki, futbolçular daha yaxşı zərbə vurmalıdılar və buna borcludular. Futbolçularımız “nöqtə”yə yaxınlaşanda fürsətdən yararlanmalıydılar. Əsəbin olması anlaşılandı, lakin onu düzgün istiqamətə yönəltmək lazımdı. İnam, inam və yenə də inam! Bütün oyunçular penaltini özünəməxsus şəkildə yerinə yetirirlər, ancaq etdiklərinə inamı olmalıdı. Növbəti matçlarda uğurlar arzulayıram. Şans “Qarabağ”la “Zirə”dən yana olsun”.
RÖYANƏ OĞUZ
Digər xəbərlər
