Turan Tovuz - Sumqayıt 1:0 (1:0)

1. İvan Konovalov - 6,0
4. Şəhriyar Əliyev (k) - 6,0
(33. Eltun Turabov, 74) - 5,0
10. Xəyal Nəcəfov - 7,0
(44. Rüfət Əhmədov, 80) - 5,5
8. Tural Bayramlı - 6,0
(77. Veysəl Rzayev, 74) - 5,5
88. Faiq Hacıyev - 6,0
9. Kristian da Silva - 6,0
5. Roderik Miller - 6,0
23. Alexandro Serrano - 6,0
15. Emmanuel Hakman - 5,5
25. Denis Marandiçi - 6,5
(21. Aleks Souza, 80) - qiymətsiz
80. Otto Con - 6,0
(11. Ayxan Quseynov, 88) - qiymətsiz
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
7. İsmayıl Zülfüqarlı
70. Məzahir Məmmədzadə
20. İbrahim Ramazanov
6. Araş Qaderi
Baş məşqçi: Kurban Berdıyev
Komandanın ən yaxşısı: Xəyal Nəcəfov

1. Mehdi Cənnətov - 5,5
14. Elvin Bədəlov (k) - 5,5
10. Rəhim Sadıxov - 6,5
7. Rövlan Muradov - 4,5
(11. Fernando Medeyros, 46) - 5,5
17. Murad Xaçayev - 4,5
8. Səbuhi Abdullazadə - 5,5
19. Roy Kehat - 6,0
3. Slaviça Radoviç - 5,5
9. Nikola Vuynoviç - 5,5
(41. Uğur Cahangirov, 78) - qiymətsiz
23. Cordan Rezabala - 6,0
60. Tresor Mossi - 5,5
Ehtiyat oyunçular
36. Xəyal Fərzullayev
56. Aftandil Arixov
6. Vüqar Mustafayev
30. Kamran Quliyev
21. Nihad Əhmədzadə
24. Sənan Muradlı
Baş məşqçi: Samir Abasov
Komandanın ən yaxşısı: Rəhim Sadıxov

Qol: X.Nəcəfov, 34 (D.Marandiçi).
Vərəqələr: Ş.Əliyev, 13 (qeyri-idman hərəkəti). F.Medeyros, 59 (qeyri-idman hərəkəti). K.da Silva, 62 (hakimin qərarına etiraz). D.Marandiçi, 63 (qeyri-idman hərəkəti). T.Mossi, 75 (hakimin qərarına etiraz). V.Rzayev, 81 (qeyri-idman hərəkəti) - sarı.

Hakimlər: TURAL QURBANOV, Müslüm Əliyev, Rahil Ramazanov (hamısı Bakı), Rəvan Həmzəzadə (Şəki).
VAR hakimi: Rəşad Əhmədov (Mingəçevir).
VAR hakiminin köməkçisi: Şirmamed Mamedov (Bakı).
Hakim-inspektor: Orxan Məmmədov (Bakı).
AFFA nümayəndəsi: Mübariz Hüseynov (Gəncə).

11 avqust. Tovuz. Şəhər stadionu. 4900 tamaşaçı (6500 yerlik).
Birinci hissəyə 1, ikinci hissəyə 6 dəqiqə əlavə olunub.
Oyunun qiyməti: 6,0.

Debütdə “Neftçi”dən xal alan Kurban Berdıyev Tovuz publikası önünə ilk dəfə çıxırdı. Tovuzlular “Sumqayıt”la son ev oyununda aldığı acınacaqlı məğlubiyyəti (1:4) də unutmamışdılar.
Meydan sahibləri ilk dəqiqələrdən qələbə siqnalları verdi. "Bozqurd"un ciddi təzyiqlə müşayiət olunan üstün oyunu "Sumqayıt"a çətin anlar yaşatdı. Komandanın əsas çatışmazlığı kimi bitiricilik qabiliyyətini qeyd edə bilərik. Ardıcıl hücumlar quran tovuzlular daha dəqiq olsaydı, qonaqlar böyükhesablı məğlubuyyətdən yaxa qurtara bilməyəcəkdi. Bu sırada Faiqin uzaq məsafədən qapını qeyri-dəqiq nişan almasını qeyd edə bilərik. Ardından Şəhriyar Hakmanın qapıönünə asmasını akrobatik zərbəylə dəyərləndirsə də, qolla tamamlaya bilmədi. 8-ci dəqiqədə Mehdi Ottonun zərbəsini dəf etdi.

Baxmayaraq ki, nigeriyalı hücumçu Elvini də qabaqlamaqla qolkiperi məyus etməyə çox yaxın idi.
Çox keçmədən Şəhriyarın başla zərbəsini izlədik. Kapitan Millerin cərimə meydançası daxilinə ötürməsindən faydalanmaq istəsə də, Mehdi yenə seyvlə yadda qaldı. Qolkiperin 15-ci dəqiqədəki qurtarışı daha baxımlı alındı. Cənnətov Xəyalın təxminən 20 metrdən göndərdiyi topu barmaqlarının ucuyla tirin altından çıxardı. Tovuzlular qol istəyinə 34-cü dəqiqədə çatdı. Marandiçi mərkəzdən cərimə meydançasına qədər irəliləyib topu qapı önünə ötürdü. Moldovalı hətta büdrəsə də, Rövlan onu dayandıra bilmədi. Nəticədə Denisin ötürməsini qolla tamamlayan Xəyal komandasını önə keçirdi. Bir qədər sonra "Sumqayıt"ın ilk təhlükəli vəziyyətini izlədik. Rəhim təkbaşına meydan sahiblərinin müdafiə xəttini yararaq, daha doğrusu, “yolüstü” 4-5 futbolçunu aldadaraq "çərçivə"ni nişan alsa da, Konovalov baxımlı seyvlə yadda qaldı.

Beləliklə, ilk yarı "Turan Tovuz"un həm hesab, həm də oyun baxımından üstünlüyü şəraitində bitdi. Amma 2-ci hissədə oyunun axarı dəyişdi. Əslində meydan sahibləri 72-ci dəqiqədə fərqi artıra bilərdi. Çünki Turalın ötürməsiylə başlayan hücum Ottonun irəliləyək topu qapı önünə göndərməsiylə davam etdi. Burda Faiq özünü "kürə"yə çatdıra bilmədi və fürsət əldən çıxdı. 83-cü dəqiqədə isə Souza Veysəlin ötürməsini boşa verdi. "Sumqayıt"ın də təhlükəli vəziyyətləri var idi. Mossi 90+4-cü dəqiqədə tələsməsəydi, "kimyaçılar"a 1 xal bəxş edə bilərdi. Lakin Silvanın cəld müdaxiləsi topun meydandan çıxmasına səbəb oldu. Beləliklə, matç "Turan Tovuz"un qələbəsiylə yekunlaşdı.

KƏNAN BAHADIR