Misli premyer-liqasında 2-ci tur dünən axşam keçirilən “Qarabağ” – “Kəpəz” oyunu ilə start götürdü.

Bu gün və sabah keçiriləcək matçlarla bu tura yekun vurulacaq. Oyunu televiziyadan izləmək istəyənlər “CBC Sport”un efirinə üz tutmalıdı.

Misli premyer-liqası
1-ci dövrə, 2-ci tur
10 avqust
Araz-Naxçıvan – Şamaxı 1:0
Roman Maçado, 59.
“Araz-Naxçıvan”ın bu rəqiblə ev oyunlarının balansı: 2:+2=0-0, 3:0.
2000/01 – 2:0; 2001/02 – 1:0.
Cəzalı: yoxdu.
“Futbol+”in proqnozu: 40-30-30.
Hakimlər: FƏRİD HACIYEV, Zöhrab Abbasov, Eyyub İbrahimov, Kamranbəy Rəhimov.
VAR hakimi: Cavid Cəlilov.
VAR hakiminin köməkçisi: Rəhman İmami.
Hakim-inspektor: İmanxan Sultani.
AFFA nümayəndəsi: İlham Əliyev.
Bakı, “Liv Bona Dea Arena”. Saat 18.45.

Səbail – Neftçi 1:1
Dmitro Litvin, 48 - Yuri Matias, 24
“Səbail”in bu rəqiblə ev oyunlarının balansı: 13+1=3-9, 8:29.
2017/18 – 1:0, 0:4; 2018/19 – 0:2, 2:2; 2019/20 – 0:0; 2020/21 – 1:3, 0:4; 2021/22 – 1:3, 0:1; 2022/23 – 0:2, 1:1; 2023/24 – 2:4, 0:3.
Cəzalı: yoxdu.
“Futbol+”in proqnozu: 30-30-40.
Hakimlər: KAMAL UMUDLU, Vüsal Məmmədov, Kamran Bayramov, Kamran Əliyev.
VAR hakimi: Nicat İsmayıllı.
VAR hakiminin köməkçisi: Cəmil Quliyev.
Hakim-inspektor: Ceyhun Haşımov.
AFFA nümayəndəsi: Nəriman Axundov.
Bakı, “ASCO Arena”. Saat 21.00.

11 avqust
Turan Tovuz – Sumqayıt 1:0
Xəyal Nəcəfov, 34.
“Turan Tovuz”un bu rəqiblə ev oyunlarının balansı: 4:+1=1-2, 6:9.
2022/23 – 1:0, 2:3; 2023/24 – 2:2, 1:4.
Cəzalı: yoxdu.
“Futbol+”in proqnozu: 30-40-30.
Hakimlər: TURAL QURBANOV, Müslüm Əliyev, Rahil Ramazanov, Rəvan Həmzəzadə.
VAR hakimi: Rəşad Əhmədov.
VAR hakiminin köməkçisi: Şirmamed Mamedov.
Hakim-inspektor: Orxan Məmmədov.
AFFA nümayəndəsi: Mübariz Hüseynov.
Tovuz, şəhər stadionu. Saat 18.45.

“Turan Tovuz” ilk turda “Neftçi”nin meydanında 1 xal qazandı. Kurban Berdıyevlə Roman Qriqorçukun duelində qalibin müəyyənləşməməsi “bozqurd”un azarkeşlərini sevindirdi. Ona görə ki, komandalar arasında derbi mahiyyətində olmasa da, müəyyən prinsiplər var. Təbii ki, “Sumqayıt”la olduğu qədər yox! Niyəsi bəllidi. “Kimyaçılar” ötən mövsüm Tovuzda qazandığı 4:1 hesablı qələbəylə avrokuboklara gedən yola daş qoydu. İndi tərəfdarların Berdıyevdən intiqam istəyi anlaşılandı. Bu dealları nəzərə almasaq da, “bozqurd”un məqsədi avrokuboklara yollanmaqdı. Belədə ciddi rəqiblərdən birinə yerini göstərmək qaçmaq əsas vəzifədi. “Sumqayıt”ın durumu bir qədər xoşagələn deyil. Bəli, “gənclik şəhəri”nin təmsilçisi “Kəpəz”i yenməklə 3 xal qazandı. Lakin kasad heyəti və yeni gələnlərin tam uyğunlaşmadığını qabartsaq, nəticə maraqlıdı. Bəs “Turan Tovuz”da ənənəvi anşlaq yaşanacaqmı? Belədə qonaqlar rəqibin və azarkeş təzyiqinin öhdəsindən gələcəkmi? Kurban Berdıyev Samir Abasovla münasibətlərə istənilən səviyyədə aydınlıq gətirəcəkmi? Suallara sabah cavab tapacağıq.

Ümumiyyətlə, bu komandalar indiyə qədər 8 dəfə üz-üzə gəlib. Bunların 1-də “Turan Tovuz”, 3-də “Sumqayıt” 3 xala yiyələnib. 4 oyunda hərəyə 1 xal düşüb. Maraqlıdı ki, “kimyaçılar” son 6 matçda uduzmayıb. Topların nisbətində isə “gənclik şəhəri”nin təmsilçisi öndədi – 11:7.

Sabah – Zirə 0:2
Rafael Utziq, 50-p. Salifu Suma, 52.
“Sabah”ın bu rəqiblə ev oyunlarının balansı: 11:+4=3-4, 14:14.
2018/19 – 2:1, 0:3; 2019/20 - 2:2; 2020/21 – 0:1, 2:1; 2021/22 – 3:3, 3:1; 2022/23 – 1:0, 0:0; 2023/24 – 0:1, 0:1.
Cəzalılar: Abdullah Xaybullayev, Kahim Parris (hər ikisi “Sabah”)
“Futbol+”in proqnozu: 30-40-30.
Hakimlər: ƏLİYAR AĞAYEV, Zeynal Zeynalov, Akif Əmirəli, Əli Əliyev.
VAR hakimi: İnqilab Məmmədov.
VAR hakiminin köməkçisi: Eyyub İbrahimov.
Hakim-inspektor: Rəhim Həsənov.
AFFA nümayəndəsi: Elçin Məmmədov.
Bakı, “Bank Respublika Arena”. Saat 21.00.

Tura növbəti paytaxt derbisiylə yekun vurulacaq. Hər iki komanda srağagün avrokubok matçında meydana çıxıb. Odu ki, həm Krunoslav Renduliç, həm də Rəşad Sadıqov heyətdə rotasiyalar edə bilər. Əslində “Sabah”la bağlı durum ürəkaçan deyil. Futbolçuların yorğunluqdan xilas ola bilməməsi hiss edilir. “Şamaxı”ya güc gələ bilməyən komandanın “Sent Patriks”ə uduzmasının derbidə özünü necə büruzə verəcəyi bilinmir. “Bayquşlar”ın cəzalıları da var. Masazırlılar çatışmazlıqları geridə qoymalı və qələbə ruhuyla Konfrans Liqasındakı cavab matçına hazırlaşmalıdı. Məhz bu amil “Zirə”yə də aiddisə, “qartallar” bir qədər üstündü. Komanda nəinki son 5 matçda, həm də son 3 səfər oyununda “Sabah”a uduzmayıb.

İndiyə qədər 23 dəfə üz-üzə gəliblər. Bunların 10-da “bayquşlar”, 7-də “qartallar” qələbə qazanıb. 6-da isə qalib müəyyənləşməyib. Topların nisbətində “Sabah” öndədi – 29:24.

KƏNAN BAHADIR