“Bəhanələrə sığınmaq istəməzdim” - Krunoslav Renduliç
"Şamaxı"nı bir xala görə təbrik edirəm. Demək olar ki, bu oyunun taleyini birinci hissədə həll etməliydik. Amma ilk yarıda qol buraxdıq. Fasilədən sonra yenə səhvimiz oldu, rəqib də bundan yararlandı. “Şamaxı” çərçivəyə iki zərbəsi oldu, onlar da qolla nəticələndi.
“Football-plus.az” xəbər verir ki, bu sözləri “Sabah”ın baş məşqçisi Krunoslav Renduliç Premyer Liqanın 1-ci turunun “Şamaxı” ilə görüşdən sonra mətbuat konfransında deyib. O, jurnalistlərin suallarını cavablandırıb.
- “Sabah”ın müdafiədə bu qədər səhvlərə yol verməsinin, “Şamaxı”dan iki qol buraxmasının səbəbləri nədi?
- Bir şeyi nəzərə almaq lazımdı ki, “Makkabi” ilə ağır oyun keçirmişdik. Həmin oyun 3 saat çəkdi. Futbolçular fiziki və mental cəhətdən çox yorulmuşdular. Dünyada da belədi, bu tip matçlardan sonra rəqibin kimliyindən asılı olmayaraq, xal itkisi mümkündü.
- Onda belə çıxır ki, hazırkı heyət həm avrokuboklarda, həm də daxili oyunlarda oynamaq üçün yetərli deyil?
- Bəhanələrə sığınmaq istəməzdim. Bu gün üç qırmızı vərəqəyə və zədələrə görə, oyunu buraxan futbolçularımız var idi. Oynamayan oyunçular meydana çıxdı. Mən onların performansından da razı qaldım. İlk onbirlikdə birdən-birə 6-7 oyunçu dəyişmək çətindi. Çünki bu qədər oyunçu dəyişikliyi edəndə, oyunundakı kimya da itir. Amma başqa variantlarımız da yox idi.
- Qarşıda sizi “Sent-Patriks”ə qarşı İrlandiya səfəri, daha sonra çempionatda önəmli görüş gözləyir. Mövsümün əvvəlində itirilən xallar sonda qızıldan da qiymətli olacaq?
- Biz elə danışmayaq ki, sanki sezon bitir. Onsuzda, hamı xal itirərəck. Hələ ki, sezonun əvvəlidi. Gələcəyə oyun-oyun yanaşsaq, daha yaxşıdı. Çünki sabah və ya 7 gündən sonra nə baş verəcəyini bilmirik.
Digər xəbərlər
