2-ci liqa klubu yeddi komanda ilə qarşılaşacaq
Növbəti mövsüm 2-ci liqada mübarizə aparacaq “Şəfa” hazırlığa start verib.
“İrəvan”ın AFFA tərəfindən çempionatdan uzaqlaşdırılması ilə paytaxt klubu aşağı dəstədə yerini qorudu. Bəs növbəti mövsümə hazırlıq necə gedir? Bu haqda bilgi almaq üçün paytaxt klubunun idman direktoru Elvin Ələsgərovla əlaqə saxladıq:
“Artıq iki həftədi məşqlərə start vermişik. Hər şey sürətli baş verdi. Oyunçuların yığılması, seleksiya işləri, məşqçilərin kluba dəvət edilməsi həllini tapıb. Transferlərə başlamışıq. Yeni baş məşqçimiz Nadir Əliyev, köməkçisi Mahir Əliyev, qapıçılar üzrə məşqçi Elçin Sadıqovdu. Məşqlər "ASCO Arena"dadı. Sentyabrın 1-nə, yəni çempionat başlayana qədər 7 yoxlama görüşü planlaşdırmışıq. Onlardan biri baş tutub. "Dinamo", "Qaradağ Lökbatan", MOİK, "Şəmkir" kimi komandalarla görüşəcəyik. Klub tam yenilənib".
RÖYANƏ OĞUZ
