Fransanın daxili işlər naziri Jerald Darmanen bildirib ki, 870 min inzibati işin təhqiqatı nəticəsində Yay Olimpiadasına 4 minə yaxın adamın girişinə qadağa qoyulub.

Darmanenin sosial şəbəkədə yayılan açıqlamasında deyilir ki, indiyə qədər 3922 adam qadağa siyahısına düşüb. Olimpiadanın ilk gününə qədər araşdırma sayı 1 milyona çatdırılacaq, deməli, qadağa ilə üzləşənlərin sayı arta bilər. Nazirin dediyinə görə, təhlükəsizliyə təhdid olan 131, radikal islamçılardan 18, ultra solçulardan 167, ultra sağçılardan 80 adam da qadağa siyahısına düşüb.

Olimpiya Oyunları günlərində ictimai nəqliyyatda gediş haqqını qiyməti də qalxacaq. Qiymətlərin təxminən iki dəfə artacağı iddia olunur. Əvvəllər 10 biletin qiyməti 17,35 avro idisə, indi qiymət 32 avroya qədər qalxacaq.

Xatırladaq ki, Olimpiada 26 iyul – 11 avqust aralığında keçiriləcək.