“Ötən mövsümdəki heyətdən, sadəcə 4-5 oyunçu qalıb” – idman direktoru
Birinci liqanın iddialı klublarından sayılan “İmişli” 2024/25 mövsümünə hazırlığı davam etdirməkdədi.
“Football-plus.az” xəbər verir ki, əyalət təmsilçisi komandada köklü dəyişikliklər aparmaqdadı. Bu vaxta qədər klub rəhbərliyi Elnur Cəfərov, Elmir Rəhimzadə, Ayhan Arazlı, Tərlan Quliyev, Mehdi Tahirov, Xəyal Tomarov, Xəlil Bəşirov kimi futbolçularla müqavilələr imzalayıb. Redaksiyamıza daxil olan bilgiyə görə, “İmişli”nin növbəti transfer hədəfi İdris İnqilablıdı. Həm transfer çalışmalarının nə yerdə olduğunu, həm də İdrisin keçidinin nə vaxt yekunlaşacağını öyrənmək üçün klubun idman direktoru Aqşin Mürsəlovla əlaqə saxladıq:
“Əslində transferi yekunlaşmaq üzrə olan bir çox futbolçular var. İnşallah, hamısı açıqlanacaq. Sadəcə, həmin oyunçuların təqdimat videosu çəkilir deyə, onların ictimaiyyətə təqdimatı ləngiyir. Onlardan biri də İdrisdi. İlkin razılıq əldə olunub. Lakin hələ müqavilə təqdim etməmişik. Bu üzdən danışıqlarımız gedir. Danışıq apardığımız daha bir neçə futbolçu var. İnaşllah, yaxın günlərdə açıqlama olacaq. Ötən mövsümdəki heyətdən, sadəcə, 4-5 oyunçu qalıb. Əksəriyyəti yeni oyunçulardı”.
KAMAL SƏFƏR
Digər xəbərlər
