“Bavariya” Hiroki İto və Maykl Olisedən sonra daha bir futbolçunu sıralarına qatıb: Joao Palyinya artıq Münhen klubundadı.

Almaniya klubu bir neçə gün əvvəl onun məsələsini böyük ölçüdə həll etmişdi. “Fulhem”in yarımmüdafiəçisi yeni klubu üçün tibbi müayinədən də keçmişdi. “Bavariya”nın portualiyalı futbolçuya görə 51 milyon avro ödədiyi məlum olub. Rəsmi məlumatda Palyinyanın yeni klubu ilə müddəti 2028-ci ilin yayına qədər nəzərdə tutulan müqavilə imzaladığı da bildirilib.

Joao “Sportinq”in yetirməsidi. İcarə əsasında “Moreyrense”, “Belenenseş” və “Braqa”da oynayan 29 yaşlı futbolçu 2022-ci ildə “Fulhem”ə 22 milyon avroya satılmışdı. AÇ-2024-də Portuqaliya yığmasının 4 oyununda iştirak edən Palyinya son mövsümdə İngiltərə premyer-liqasında meydana çıxdığı 33 oyunda 4 qol vurub.