“Hər iki komandada fərq yarada biləcək futbolçular var. Portuqaliyada bizim komandada olduğu kimi çox yüksək səviyyəli futbolçular çıxış edir. Biz Avropanın ən yaxşı komandalarından biriyik. Əminəm ki, bu, vacib oyun olacaq. Tarixən aramızda olan matçlar çox gərgin keçir. Turnirin bu mərhələsində nadir hallarda bir tərəfin üstünlüyü müşahidə olunur. Ronaldo oyunun nəticəsini həll etməyi və qol vurmağı bacaran oyunçudu. Onda bu keyfiyyət həmişə olub, olacaq da. Yaşı çox ola bilər, amma böyük rəqibdi”.

“Avropa çempionatını başıuca və qürur hissi ilə tərk edirik! Almaniyadan valehedici emosiya və xatirələrlə ayrılırıq. Biz Gürcüstana böyük sevinc və fəxarət hissi bəxş etdik. Hamıya təşəkkür etmək istəyirəm. Biz işləməyə və inkişafa davam edəcək, daha güclü komanda kimi qayıdacağıq!”

“İspaniyanın qrup mərhələsində yaxşı nəticələrini gördük. Texniki baxımdan yəqin ki, bizdən üstündülər. Ancaq onların futbolçuları yaşca kiçik və təcrübəsizdilər. Bu, bizim üçün üstünlükdü. İspaniya, demək olar ki, uşaqlardan ibarət komandadı. Onların çox sayda gənc futbolçuları var. İspaniyanın hazırkı komandasının beynəlxalq turnirlərdə o qədər də təcrübəsi yoxdu”.

“İstəyirəm ki, gözəl oyun nümayiş etdirək və qollar vuraq. Məhz təhlükəli hücumları qolla tamamlamaq bizim hələ də çatışmayan cəhətimizdi. Həmişə ən yaxşı oyumumuzu oynamağa çalışırıq. Yaxşı oynadığımız zaman qalib gəlmək şansımız daha çox olur. Milli komandanın heyətində çox titul qazanan, çoxlu sayda oyun və qol rekordlarının müəllifi olan birini görmək vacibdi. Kriştiano Ronaldonun komandaya gətirdiyi təravət təəccüblüdü. O, bir nümunədi: hər gün qalib gəlmək, hər gün yarışmaq istəyir. Fədakar oyunçunuz olanda onun keçmişdə etdiklərini unudun. Fədakar oyunçu bir imtiyazdı. Avropa çempionatında matçlar çox gərgin keçir. İlk qolu vurmaq çətindi. Fikrimcə, biz çox risk edirik. Qol vurmaq üçün üçüncü zonaya düşməlisən. Biz topa çox sahib olur və yaxşı mövqe tuturuq. Çox şeyi yaxşı edirik və eyni ruhda davam etməliyik. Ancaq oyunumuzda yaxşılaşdırmalı olduğumuz komponentlər də var. Hamı böyük komandaların necə oynadığını yaxşı bilir. Əsas futbolçularımızın çıxışı və istedadıdı. Fransa ilə oyuna tam hazır olduğumuzu düşünürəm. Artıq 1/4 final mərhələsidi və biz bütün diqqətimizi özümüzə yönəltmişik. Həmişə inkişaf etmək istəyirik, lakin oyundan oyuna hər şeyi dəyişmək məcburiyyətində deyilik”.

“Həmişə öz işimizi görməyi düşünürük. Biz Almaniyanın işinin öhdəsindən gəlib-gəlməyəcəyi haqda fikirləşmirik. Rəqibin güclü tərəflərini minimuma endirməyə və zəif cəhətlərindən öz xeyrimizə yararlanmağa çalışacağıq. Bəzi oxşar xüsusiyyətlərimiz var. Meydana çıxıb qələbə qazanmağa çalışacağıq. Üzərimizdə çox böyük məsuliyyət hiss edirik. Təbii ki, Almaniyada çıxış təcrübəsi olan Dani Olmo və Alexandro Qrimaldo ilə çox danışmışam. Onlar həmişə bizə Almaniya futbolunun müəyyən tərəflərindən bəhs edirlər. Amma onların komandasını çox yaxşı tanıyırıq və bütün oyunçularım oyuna hazırdı. Oyun planımız dəyişməyəcək. Bir və ya iki kadr dəyişikliyi ola bilər, amma plan əvvəlki kimi qalacaq. İspaniya - Almaniya Avropa çempionatının finalı da ola bilərdi, amma oyunun bərabər səviyyədə keçəcəyini düşünürəm. Almaniya həmişə matça güclü başlayır. Ona görə də buna qarşı çıxmağa çalışacağıq. Həm də çalışacağıq ki, ilk dəqiqədən təşəbbüsü ələ keçirək”.

“Penalti seriyasından (Argentina Amerika Kubokunun 1/4 finalında Ekvadora penalti seriyasında Emilianonun iki seyvi nəticəsində 4:2 hesabı ilə qalib gəlib – R.Y.) əvvəl uşaqlara dedim ki, evə qayıtmağa hazır deyiləm. Amerika Kubokunun və dünya çempionatının son qalibi olduğumuzdan növbəti mərhələdə oynamağa layiq olduğumuzu düşünürdüm. Emosional qələbə idi...”

“Rodrinin “Mançester Siti”dəki ilk mövsümünü xatırlayıram. O, məşqdə Pep (baş məşqçi Xosep Qvardiola - red.) ilə 45 dəqiqədən bir saata qədər əlavə işləyirdi. O, futbolda uzun məsafə qət edib və çox şey öyrənib. Fikrimcə, Rodri dünyanın ən yaxşı dayaq yarımmüdafiəçisidi. Onun kimi yüksək səviyyəli futbolçunu 90 dəqiqə ərzində “bağlamaq” mümkün deyil, amma onun işini çətinləşdirməyin yolları var. Yamal 16 yaşlı bir yeniyetmə üçün uzun bir yol qət edib. Mənim də 16 yaşımda olduğum səviyyəyə nəzər salsanız görərsiz ki, Yamal tamam başqa səviyyədədi. O, necə futbol oynayır, hansı risklərə gedir... Lamin İspaniya və “Barselona” üçün çox vacib oyunçudu. Mən ona həqiqətən hörmət edirəm”.

“Mən hələ də futbolçuyam: karyeramı davam etdirirəm. Mənim futbolçu həyatıma son qoyduğumu iddia edənlərə inanmayın (fransalı futbolçu orqanizmində dopinq aşkarlandığı üçün 4 illik cəza alıb – R.Y.). Məşqlərdə səylə çalışıram. Meydana qayıdacağım anı səbirsizliklə gözləyirəm”.

“Məndə oyunla bağlı əla hiss var. Komanda yoldaşlarıma baxarkən görürəm ki, hamı rahatdı. Qələbə qazanmaq üçün əla performans göstərməli olduğumuzu bilirik. Mən bu turnirdə İspaniya yığmasının simasında özünəinamlı və enerjili komanda görürəm. Şanslar 50-50-yədi. Fikrimcə, Almaniya ilə oyunda bir sıra detallar həlledici olacaq. Stadiondakı bütün ispaniyalı azarkeşlərin və evdə oyuna baxacaq hər kəsin dəstəyini hiss edəcəyik. Belə matçlarda rəqiblərin daha yaxşı oynamasına dözə bilmək önəmlidi. Biz şansımızdan istifadə etməli və rəqibin mümkün qədər az şans yaratmasına çalışmalıyıq”.

“Döyüş ruhu, mənəvi ruh, ehtiras: siz öz çıxışınız və komanda ruhunuzla Avropa çempionatında bütün Almaniyaya böyük həyəcan gətirdiniz. Səninlə fəxr edirik, əziz Almaniya yığması! İspaniya millisini yarımfinala çıxması münasibətilə təbrik edirəm”.

“Entoni Teylorun İspaniya – Almaniya matçındakı fəaliyyəti nəsə mənə çatmadı. Deməyə söz tapa bilmirəm. Bizim 1-ci liqada oyunları idarə edən hakimlər Avropa çempionatında fit çalan Teylordan daha yaxşıdılar. O, oyunu qətiyyən idarə edə bilmir. Əvvəlcə sarı vərəqə göstərir, sonra eyni qayda pozuntusuna görə futbolçuya xəbərdarlıq etmir. Artıq ingiltərəli hakimlərin etalon olduğu ilə bağlı fikri unudun. Bu düşüncə artıq hazırkı vəziyyətə uyğun deyil”.

“Onun mənim üstünlük verdiyim oyun üslubuna yaxşı uyğunlaşacağını hiss edirəm. Darvin Nunyes bir hücumçu kimi çox xoşuma gəlir. Artıq onunla görüşüb söhbət etmişəm. Onu da deyim ki, Darvin təyinatımdan sonra ünsiyyət saxladmağa imkan tapdığım azsaylı oyunçulardandı”.

“Palmer, Bellingem, Saka, Touni, Trent. Onların üzərində böyük təzyiq yükü var? Hansı təzyiqdən söhbət gedə bilər? Bu, başqa futbolçu nəslidi. Onlar təzyiqi hiss etmirlər. Onlar penalti seriyasında uğurlu olacaqlarına nə dərəcədə əmin idilər? Buna çox inanırdılar. Komandanın yarımfinala çıxması üçün həlledici məqamda özlərində əlavə güc tapmağı bacardılar”.

“Siz komanda ruhunuzla Avropa çempionatında bütün Almaniyaya böyük həyəcan gətirdiniz”