"Komandanı mən çalışdıracam" - Azərbaycan klubunda yeni baş məşqçi?
Mətbuatda yayılan iddialara görə, 1-ci liqa iştirakçısı MOİK yeni baş məşqçi axtarışındadı.
Kuluarlarda gəzən söz-söhbətə insansaq, "ordu klubu" çalışdırıcısı Qəzənfər Abbasovla yolları ayırmaq, fərqli mütəxəssislə çempionluq uğrunda mübarizə aparmaq niyyətindədi.
"Football-plus.az" olaraq, informasiyanın səhihliyini öyrənmək məqsədilə komandanın çalışdırıcısı Qəzənfər bəylə əlaqə saxladıq. Məlum oldu ki, xəbərlər həqiqəti əks etdirmir:
"Belə məlumatların yayılmasından xəbərdaram. Lakin yazılanlar şayiədi. MOİK-lə müqaviləm yenilənib. Yəni növbəti "futbol ili"ndə də komandanı mən çalışdıracam".
Qeyd edək ki, Abbasov 2022-ci ilin dekabrından "ordu klubu"nun baş məşqçisidi.
KƏNAN BAHADIR
Digər xəbərlər
