“Təkliflərlə menecerim maraqlanır” – klubsuz qalan futbolçu
Mövsümə “İrəvan”da başlayıb, “İmişli”də yekun vuran Elvin Yunuszadə hələ də klubsuzdu. Hətta qış fasiləsi zamanı viza məsələsinə görə “Fuşe Kosovo”ya keçidi baş tutmayan 31 yaşlı müdafiəçi yeni komanda axtarışındadı.
“Neftçi”, “Qarabağ”, “Sabah” kimi premyer-liqa komandalarında çıxış etmiş oyunçunun hazırkı durumunu öyrəndik. O, “Football-plus.az”a verdiyi açıqlamada belə dedi:
“Doğrudu, hazırda klubsuzam. Amma bir sıra təkliflərim var. Belə ki, həm 1-ci, həm premyer-liqa, həm də Türkiyə çempionatından təkliflərim var. İndiki durum üçün heç nə deyə bilməyəcəm. Çünki təkliflərlə menecerim maraqlanır”.
Digər xəbərlər
