“Qarabağ” azarkeşlərini çox narahat edən məsələyə, Abdulla Zubirin taleyinə, nəhayət, bu gün aydınlıq gəldi.

Mərakeş əsilli fransalı Ağdam klubunun təklifinə “hə” deyib və artıq sabah axşam saatlarında Bakıda olacaq. Yəqin hər kəsi düşündürən məqam müqavilə şərtlərində hansısa yeniliyin olub-olmaması ilə bağlıdı.

“Football-plus.az”da olan bilgiyə görə, şərtlərdə dəyişiklik yoxdi, vinger əvvəl qazandığı para ilə kifayətlənəcək.

Müqavilənin müddətinə gəlincə, çox güman, Abdulla sonradan bir il də uzadılmanı nəzərdə tutan ikiillik anlaşmaya imza atacaq.

Bir sözlə, Zubir məsələsini artıq qapanmış saymaq olar!

ORXAN