“Azarkeşlərin ondan tək istəyi…” – “Sabah” azarkeşi Mikelsi necə qarşıladı?
Ötən ilin yayında yüksəl pul qarşılığında Səudiyyə Ərəbistanının “Əl-Faysal” klubuna keçən Coy-Lens Mikels “Sabah”a qayıtdı.
Almaniyalı vinger 2021-23-cü illərdə “bayquşlar”ın heyətində çıxdığı 69 matçda 33 qol vurmaqla azarkeşlərin rəğbətini qazanmışdı. Fəqət qazandığı sevgiyə rəğmən, Mikels pulu daha üstün tutduğunu “Əl-Faysal”a transfer olmaqla göstərmişdi. Bəs azarkeşlər 30 yaşlı oyunçunun komandaya dönüşünü necə qarşılayır?
Həlledici məqamda komandanı atıb getdiyinə görə ondan incikdilərmi? "Soldati di Sabah” fanklubunun rəhbəri Ağaxan Abdullayev “Football-plus.az”ın suallarını belə cavabladı:
“Mikelsin qayıtması klub üçün yaxşı oldu. Həm liqanı, həm də klubu tanıyan bir oyunçudu. Azarkeşlərin ondan tək istəyi həmin illərdə nümayiş etdirdiyi oyunu, yenidən bizə göstərməsidi. İnşallah, daha bir neçə transferlə bu il Avropada uğur qazana bilərik. Küskünlüyə gəlincə, bizim üçün əsas olan həmişə komandadı. Azarkeşlərimizin içində nə qədər qırğınlıq olsa da, komandaya xeyir verə biləcək bir futbolçunu başqa sözlərlə motivasiyadan salmarıq”.
KAMAL SƏFƏR
Digər xəbərlər
