“Qalatasaray”a transfer olunduğuma görə qətiyyən peşman deyiləm. Uzun müddət düşünəndən sonra bu qərarı vermişdim. Artıq hiss edirdim ki, “Lion”dan ayrılmaq zamanıdı. “Qalatasaray” mənim üçün tam yeni bir təcrübə və meydan oxumaq fürsəti oldu. Futbol ehtirasını yaşamaq və çempionluqlar qazanmaq istəyirdim. İstanbulda bunların hamısını tapdım. Orda çılğın bir azarkeş ordusu var. İlk mövsümümdə “Qalatasaray”la çempion olduq. Həmin an başa düşdüm ki, biz futbolu məhz belə duyğular yaşamaq üçün oynayırıq. İlk mövsümümün ardından tam ədalətsiz bir qərarın qurbanı oldum. Həmin qərarı verən şəxs artıq klubda yoxdu! Avropada “transfer pəncərəsi” bağlanmışdı. Həmin şəxs mənim adımı Çempionlar Liqasının iştirak ərizəsindən çıxardı. Yerimə isə “Tottenhem”dən alınan iki futbolçu (Sançes, Ndombele – red.) ora əlavə edildi. Bununla barışmaq çox çətin idi. Bir andaca bütün mövsümü boşa vermək və oynamamaq təhlükəsi ilə üz-üzə qaldım. İki seçimim var idi. Bir tərəfdən bu ədalətsizlik qarşısında haqqımı sona qədər qoruyub hüquqi yollara baş vura, onlarla üz-göz ola bilərdim. Digər tərəfdən isə bu durumla barışa bilərdim. Elə həmin məqamda “İstanbul BŞ”dən təklif gəldi. Türkiyədə transfer dönəminin bitməsinə 10 dəqiqə qalmış keçidim tamamlandı. Zaman göstərdi ki, doğru seçim etdim. Mən gələrkən klub 19-cu pillədə idi. Amma nəticədə mövsümü 4-cü pillədə bitirdik və avrokuboklara vəsiqə qazandıq. Bu yüksəliş mənim üçün gözəl bir təcrübə oldu. Hirsli və mənə çox şey qatan bir məşqçilər korpusuna malik olan klub kəşf etdim. Hətta ordan ayrılarkən klub prezidenti mənə fəxri bir hədiyyə də verdi”.