“Növbəti mövsüm üçün də çempionluğa oynamaq istəyirik. 13 futbolçu ilə yollarımızı ayırmışıq. Onların əvəzinə daha təcrübəli, premyer-liqa görmüş futbolçuları cəlb etmək istəyirik. Diqqətimizdə bir neçə namizəd var ki, hər biriylə danışıqlara keçmişik. Onları heyətə qatmaq istəyirik. Sadəcə, ilk növbədə premyer-liqa təmsilçilərindən cavab gozləyənlər, istirahətdə olanlar var. Bəziləri də var ki, ilkin razılığa gəlmişik, müqavilə olmadığından adlarını açıqlaya bilmirəm. Amma bu il də çempionluq üçün oynayacağıq. Çalışacağıq ki, ötən mövsümdəkindən daha yaxşı komanda qura bilək. Qarşıdan gələn mövsüm ağır olacaq. İddialı rəqiblərin ətrafında olacağıq. Bilindiyi kimi, "Qəbələ" də 1-ci liqaya düşüb. Belə komandalara qarşı oynamaq üçün hazırlıqlı olmalıyıq. Hədəfimiz 1-ci yer olacaq".