İyunun 2-də A seriyasında 29-cu turdan təxirə salınan bir oyun keçirildi.

“Football-plus.az” xəbər verir ki, bununla da turnir cədvəli yekun görkəm aldı və 2023/24 mövsümü rəsmən başa çatdı.

“Atalanta” - “Fiorentina” matçı martın ortalarında keçirilməliydi. Amma Berqamoda Florensiya klubunun baş direktoru Co Baronenin səhhətinin qəfil pisləşməsi və təcili xəstəxanaya yerləşdirilməsi oyunun qeyri-müəyyən müddətə təxirə salınmasını qaçılmaz etmişdi. Bilindiyi kimi, ötən müddətdə “Atalanta” Avropa Liqasının (AL), “Fiorentina” isə ardıcıl ikinci dəfə Konfrans Liqasının (KL) finalına vəsiqə qazanmışdı. Berqamoluların İtaliya kubokunun da finalına qədər irəliləməsi yerli liqanın rəhbərliyini çox çətin vəziyyətə salmışdı. Bu səbəblərdən başıbəlalı matçı yalnız sonuncu turdan sonra təşkil etmək mümkün oldu.

AL-in finalında “Bayer-04”ü darmadağın (3:0) edəndən sonra öz meydanında “Torino”ya da şans verməyən “Atalanta” üç cavabsız qolla qalib gələrək 4-cü yerə çıxmışdı. Can Pyero Qasperininin komandası üçün florensiyalılarla oyunun böyük əhəmiyyəti vardı. Berqamolular “Fiorentina”ya qalib gələcəkləri halda mövsümü bürünc mükafatçı kimi başa vuracaqlar. Qeyd edək ki, “Atalanta” tarixi ərzində İtaliya çempionatında ən yaxşı halda elə 3-cü yeri tutmuşdu.

Amma “göy-qaralar” bu nəticəni təkrarlamaq üçün ələ düşən gözəl fürsətdən yararlana bilmədilər. “Fiorentina” üçün Berqamodakı oyunun turnir baxımından əhəmiyyəti qalmamışdı. Vinçentso İtalyanonun komandası qələbə qazanacağı halda belə, mövsümü 8-ci yerdən yuxarı pillədə başa vura bilməyəcəkdi. Həftəiçi KL-in finalında “Olimpiakos”a minimal hesabla uduzan florensiyalılar çempionatın son oyununu rəqibindən yaxşı keçirdilər. Ümumiyyətlə, ilk hissə çox baxımlı alındı: komandalar bir-birinin qapısına 5 dəfə yol tapdılar. Qonaqlar xüsusilə Belottinin mükəmməl oyunu sayəsində fasiləyə 3:2 hesablı üstünlüklə yollandılar. İkinci hissədə də qapılar qarşısında qol vəziyyətləri yarandı. Lakin hesab dəyişmədi. İtalyanonun komandası motivasiyası olmasa da, mövsümün son oyununu qələbə ilə başa vurdu. Bu isə böyük ölçüdə baş məqşçini major notda yola salmaq istəyi ilə bağlı idi. 46 yaşlı mütəxəssis matçdan sonrakı mətbuat konfransında Florensiya klubundakı üçillik fəaliyyətini başa vurduğunu rəsmən bəyan etdi. “Fiorentina”nın qələbəsinin “Yuventus”un işinə yaradığını da bildirək. Ölkə nəhəngi mövsümü 3-cü yerdə başa vuraraq bürünc mükafatçı oldu.

29-cu turdan təxirə salınan oyun
Atalanta - Fiorentina 2:3
Lukman, 12. Skalvini, 32 – Belotti, 6; 45+1. N.Qonsales, 19. (14851)
Atalanta: Karnesekki, Skalvini (Hatebur, 84), Hin, Toloy (Cimşiti, 75), Rucceri, Ederson, Koopmeyners, Paşaliç, Holm (Mirançuk, 57), Lukman (Skamakka, 56), De Ketelare (Ture, 74).
Fiorentina: Martinelli, Biraqi, Ranyeri, Lukas Martines, Kayode (Faraoni, 88), Dunkan (İnfantino, 77), Lopes, Kastrovilli (Kuame, 66), Beltran (İkone, 77), N.Qonsales (Barak, 88), Belotti.

Yekun cədvəl
1. İnter 38 29 7 2 89-22 94
2. Milan 38 22 9 7 76-49 75
3. Yuventus 38 19 14 5 54-31 71
4. Atalanta 38 21 6 11 72-42 69
5. Bolonya 38 18 14 6 54-32 68
6. Roma 38 18 9 11 65-46 63
7. Latsio 38 18 7 13 49-39 61
8. Fiorentina 38 17 9 12 61-46 60
9. Torino 38 13 14 11 36-36 53
10. Napoli 38 13 14 11 55-48 53
11. Cenoa 38 12 13 13 45-45 49
12. Montsa 38 11 12 15 39-51 45
13. Verona 38 9 11 18 38-51 38
14. Leççe 38 8 14 16 32-54 38
15. Udineze 38 6 19 13 37-53 37
16. Kalyari 38 8 12 18 42-68 36
17. Empoli 38 9 9 20 29-54 36
18. Frozinone 38 8 11 19 44-69 35
19. Sassuolo 38 7 9 22 43-75 30
20. Salernitana 38 2 11 25 32-81 17
Bombardir: Lautaro Martines (İnter) – 24.

B SERİYASI
A seriyasına vəsiqə uğrunda pley-off, final: Kremoneze - Venetsiya 0:0, 0:1.
“Venetsiya” A seriyasında oynamaq hüququ qazandı. Paolo Vanolinin çalışdırdığı komanda B seriyasında müntəzəm çempionatda ilk iki yeri tutmaqla yüksək liqaya çıxan “Parma” ilə “Komo”nun sırasına qoşuldu.

Oyundan sonra
Vinçentso İtalyano, “Fiorentina”nın baş məşqçisi: