“Bir daha sübut etmək istəyirik ki, ölkənin ən güclüsü “Qarabağ”dı” - “İmarət” danışdı, “Qartallar” susdu
Sabah ölkə kubokunun yeni sahibinin adına aydınlıq gələcək.
Ya “Qarabağ” tarixində 8-ci dəfə kuboku başı üzərinə qaldıracaq, ya da “Zirə” adını bu titulu qazandıran komandaların siyahısına yazdıracaq. 2021/22 mövsümündə də finalda qarşılaşmışdılar, ağdamlılar penaltiləri dəqiq yerinə yetirməklə kubok qazanmışdı. Daha bir qıcıqlandırıcı məqam Rəşad Sadıqov amilidi. Hazırda “qartallar”ı çalışdıran Sadıqov uzun müddət “köhlən atlar”ın uğurları yolunda can qoyub. Baş məşqçilərin və futbolçuların öz işi var, oyuna gözəllik qatan isə azarkeşləridi. Bəs “İmarət” və “Qartallar” fanklubları mövsümün son matçına necə hazırlaşıb?
Əvvəlcə “İmarət”in liderlərindən Elnur Quliyevin fikirlərini öyrəndik:
“Kubok bir tituldu və bizim üçün önəmlidi. Çünki bir daha sübut etmək istəyirik ki, ölkənin ən güclüsü “Qarabağ”dı. Matçdan yalnız və yalnız qələbə gözləyirik. Düşünürəm ki, komanda çox yaxşı hazırlaşır. İstəyirik ki, titulların saytını artıraq. Sayımızı bilmirik, maksimum çox iştirak etməyə çalışacağıq. Sürprizlərimiz olacaq, amma məlumat verə bilmərəm. Planları, adətən, gizli saxlayırıq. Bəzən üzvlərimizin böyük əksəriyyəti belə bilmir”.
“Qartallar”la əlaqə yaratamaq istəsək də, klubun azarkeşlərlə əlaqələndirici şəxsi Elgün Cəfərli fanklubun danışmaq istəmədiyinı dedi:
“Qısa məlumat kimi bilirm ki, xüsusi hazırlıqlar var. Fanklub üzvləri təxminən 250-300 nəfər civarında iştirak edəcək. Azarkeş qrupumuz da ən azı komandamız qədər finala layiq şəkildə hazırlaşır”.
RÖYANƏ OĞUZ
Digər xəbərlər
