“Layiqli şəkildə 2-ci yeri tutub, Avropa Liqasına vəsiqə qazandılar. Komandanın hücumdakı məhsuldarlığını göz önünə gətirirsizsə, onda müdafiəsini də eyni dərəcədə deyin. Əsas olan budu. Komanda quranda ilk növbədə evi fikirləşməlisən. Yəni müdafiədə yaxşısansa, onda hücumu da tez düzəlmək olar. Ancaq komandanın az top buraxması həddən artıq müsbət məqamdı. Az qol vurmalarına gəlincə, fikir verirsizsə, “qartallar” həmişə dəyişik heyətlə mübarizə apardı. Məşqçi hücumun keyfiyyətinin artırılması üçün daim axtarışdadı. Avropada mübarizə aparmaq üçün də hesab edirəm ki, ilk növbədə müdafiəni düzgün təşkil etməlisən. Təbii ki, məhsuldar oyunlar azarkeşlər üçün daha maraqlı olur. Amma qapında çox top görməyinə də anarxiya deyirlər. Daha çox inkişaf etmək üçün ilk növbədə müdafiədən başlamalısan”.

“Çox qəribə haldı, hücum futbolu nəyə deyirsiz? Çox qol vurmağa və ya qol vəziyyəti yaratmağa? Çox qol vəziyyəti yarada, lakin ondan az istifadə edə bilərəm. Məgər bu hücum futboludu? Elə deyil. Uzağa getməyək, elə sonuncu “Sabah”la oyunda “Neftçi” də hücum edirdi. Ancaq qol epizodları yarada bilmədi. Ümumiyyətlə, hücum futbolu deyiləndə lap məəttəl qalıram. Çünki əvvəllər belə termin yox idi. Yalnız komanda futbolu termini var idi. Meydana 4-5 hücumçu buraxıramsa, bu o demək deyil ki, hücum futbolu oynadıram. Burda keyfiyyətdən çox şey asılıdı. Pep Qvardiola “Barselona”da işləyəndə 1 hücumçu və 5 yarımmüdafiəçi ilə oynayırdı. Buna baxmayaraq, həmin komandayla trebl etdi, bir sıra başqa uğurlara sahib oldu. Hər bir məşqçinin öz oyun üslubu var. Mən bunu bəyənirəm. Müdafiə futbolu oynayırsa, bu o deməkdi ki, müdafiəsi çox güclüdü və əks-hücumlarla da irəli atılır. Oyunçuların keyfiyyətlərinə baxıb taktika formalaşdırmaq lazımdı. Əlbəttə, “Zirə”də “Qarabağ” kimi yaxşı hücumçular olsaydı, Rəşad üçün daha da asan olardı. Ancaq hazırda onların heyətinə fikir verirəm, tez-tez dəyişiklik edilir. Sadıqov indi axtarışdadı. Çünki, hücumda komplektləşmiş heyəti yoxdu. İnanıram ki, qarşıdakı yay transfer dönəmində bu istiqamətdə addımlar atılacaq. Əlbəttə, ilk növbədə hər kəs öz cibinə baxıb, ona uyğun hərəkət edir. Yəni bu müdafiə futbolu söhbətini şişirtmək lazım deyil. Məşqçi daim axtarışdadı, komandasının daha yaxşı olmasını istəyir. Əsas odu ki, öz fikrindədi. Məşqçini azad buraxmaq lazımdı ki, taktiki gedişlərini sərbəst şəkildə edə bilsin. Bu zaman inkişaf olacaq. Fikir vermişəm, “Zirə”nin iki heyəti var. Ancaq keyfiyyətdən cəhətdən “Qarabağ”dan geri qalır. İndiki durumda “Zirə”nin mərkəz xəttinə keyfiyyətli oyunçular lazımdı”.