Şahruddin kubokun finalına gəlir? – Azərbaycana gələcəyi tarixi açıqladı
Bilindiyi kimi, Türkiyə çempionatında cari mövsüm başa çatdı. Şahruddin Məhəmədəliyevin formasını geydiyi “Adana Dəmirspor” gündəmdən düşmür.
Türkiyə mediasının iddiasına görə, klub aylardı futbolçuların maaşını ödəmək istəmir. Belədə sual yaranır: ötən ildən “Adana Dəmirspor”un heyətinə qatılan Şahruddin klubda qalacaqmı? Məhəmmədəliyevin “Football-plus.az”a dediyinə görə, başverənlər onu heç də narahat etmir:
“Mənim üçün məhsuldar və çox çətin bir mövsüm oldu. Allaha şükür ki, superliqada qaldıq. Hər klubun problemləri var və çətin anlarda kimin kim olduğunu başa düşürsən. Mən “Adana Dəmirspor”un oyunçusuyam”.
Milliyə dəvət olunan qapıçının kubokun finalında stadionda olub-olmayacağını da soruşduq:
“Yox, təəssüf ki, vaxtım yoxdu. Müalicə üçün uçmuşdum. Son 5 matçda zədəli oynayırdım. Axırıncı oyunda vəziyyət daha pis ola bilərdi. Ona görə də qərara gəldik ki, bu matçda iştirak etməyim. İnşallah, iyunun 3-də milliyə qatılacam”.
RÖYANƏ OĞUZ
Digər xəbərlər
