Ronaldo karyerasındakı 6-cı qitə birinciliyinə yollanacaq

Mayın 21-də Portuqaliya yığmasının futbol üzrə Avropa çempionatına yollanacaq heyəti açıqlanıb. 26 nəfərlik siyahıda 39 yaşlı Kriştiano Ronaldo da var. Dünya ulduzu karyerasında 6-cı dəfə qitə birinciliyinə qatılacaq. Bəs bu məsələyə onun vətənində münasibət necədi? Futbol agenti Paulo Barboza Rusiya mediasına bu mövzuda müsahibə verib.

- Bu xəbəri necə qarşıladız?
- Kriştianonun komandadakə statusu heç yerə yoxa çıxmayıb. Məhz bu məqam Kriştianoya imkan verir ki, məşqçilər onu yığmaya çağırsın. Ancaq sual doğuran məqam başqadı.

- Nədi?
- O əsas heyətə düşəcəkmi, meydanda tam oyun keçirəcəkmi? Yoxsa formallıq xatirinə çağrılıb... İstənilən məşqçi belə hərəkət edərdi.

- Məşqçilərdən heç biri Kriştianonun nüfuzunu nəzərə almaya bilməz?
- Əlbəttə.

- Yığmanın baş məşqçisi Roberto Martines Kriştianodan çəkinir?
- Belə cavab verərdim. Ronaldonun komandada böyük çəkisi var. Və onu dəvət etməmək adını iştirak ərizəsinə salmaqla müqayisədə daha təhlükəlidi. Ancaq bu fikri bir daha təkrarlayıram: çətin ki, Almaniyadakı turnirdə oyunları tam keçirə. Bir sözlə, Kriştianonun AÇ-yə aparmamaq səhv olardı.

- Məgər Ronaldonun seçmə turnirdə vurduğu 10 qol onun iştirak ərizəsinə salınmasının xeyrinə olan ciddi dəlil deyilmi?
- Razıyam. Ancaq rəqiblərin səviyyəsinə də baxmaq lazımdı. Hərçənd belə hesab edirəm ki, yenə də onu dəvət etmək lazım idi. Hər şey onun formasından asılı olacaq. Ronaldoya hələ Avropanın çempionatlarında oynayan futbolçularla anlaşmanı qaydasına salmaq lazım gələcək. Aydın məsələdi ki, Səudiyyə Ərəbistanı ilə müqayisədə bu, başqa səviyyədi.

- Ronaldo sonuncu dəfə milli formanı martda – Sloveniya ilə yoldaşlıq oyununda geyib. Onun oyununu necə qiymətləndirərdiz?
- Onun parlaq təsir bağışladığını deməzdim. Düşünürəm ki, Kriştiano daha yaxşı oynamağa qadirdi.

- Ronaldonun Portuqaliya yığmasındakı əsas rəqibi kimdi?
- Demək çətindi... Hələ ki heç kim onun mövqeyinə toxunmur. Ancaq kağız üzərində başqa variantlar da var.

- Hansı variantlar?
- Hər şey sxemlərdən asılıdı. Ancaq əlbəttə, Joao Feliş həmin mövqedə oynaya bilər. Bernardo Silva da var. Daha kim? Çox şeyə qadir olan yeni futbolçu da var. “Portu”dan 21 yaşlı Fransişko Konseysasi. Kəsəsi, futbolçu çoxdu.

- Necə düşünürsüz, Ronaldo Avropa çempionatında rotasiya oyunçusu olmalıdı?
- Hər şey onun hansı formada olacağından asılıdı. Ronaldo formadadısa, oyuna start heyətində başlamalıdı, sonra isə onu əvəz etmək olar.

- Proqnozunuzu deyin: o, Avropa çempionatında neçə qol vuracaq?
- Dəqiq rəqəm söyləməyəcəm. Əlbəttə, qol vuracaq. Onun bunun üçün yetərincə imkanları olacaq. Yığma hücum futbolu oynayır.

- Yetərincə tez-tez yığmanın Kriştianodan asılılığı haqda danışırsız. Buna nə vaxt son qoyulacaq?
- İndiyə qədər dediyim sözlərdən imtina etmirəm. Yığma bir ifaçıdan asılı olmayanda daha rəngarənh, yaradıcı futbol göstərir. İndi bizdə yeni baş məşqçi çalışır. Baxaq görək oyunu necə quracaq.

- Portuqaliya Çexiya, Türkiyə və Gürcüstanın da olduğu qrupdan çıxmağa borcludu?
- Əlbəttə, Portuqaliya favoritdi. Ancaq heç kim asan oyunlar gözləmir.

- Portuqaliyada Gürcüstan yığması və Kvaratsxeliya haqda nə danışırlar?
- Hər kəs onun səviyyəsini etiraf edir. Əla futbolçu, dünya ulduzudu. Ancaq bir güllə bahar olmur. Belə turnirdə təkbaşına nəyəsə nail olmaq çətindi. Baxarıq.

- Heyətində Ronaldonun olduğu Portuqaliya turnirdə hansı mərhələyə qədər irəliləyə biləcək?
- Ən yüksək yerlərə can atmalıyıq.

- Hətta çempionluğa da?
- Bəli. Portuqaliya kağız üzərində titula iddialıdı.